عدد الذين شاهدوا هذه الصفحة معك

31‏/12‏/2011

يلادي يا بلادي

بلادي يا بلادي
غيمة بيضاء تزخ المطر
وتضيع قطراتها في موج البحر
ونبع سوداء تفور منذ قدر
 تخرج من بين الحجر
تفيض خيرات لغير بشر
بلادي شعبها حيران
ما بين مد وجزر
تقودها الاهواء وتحمل الوزر
بلادي لم اعرف فيك الامان منذ الفجر
فُتحت عيناني على سواد
وفطمت بين احضان  دموع الحزن
ومنايا راقصات على كل وتر
تتساقط اوراقك منذ الازل
بين طعنات سيوف وبين سم قذر
وجائت الحتوف برصاص غدر
يخترق الاجساد دون عذر
وموتا سريع بضغط زر
يحرق المئات بلمح البصر
بلادي يا بلادي
يا روضه الجنات
ما بال اهلك مئات يجمعهم قبر
شيب وشباب واطفال قصر
ونساء بين ثيب وبكر
أ كذا يكون العيش على ارضك
بين ثنايا الجحيم وبين  الهدر
كلما هاجرت  مصيبة
تاتي العن منها بكل فخر
بلادي يا بلادي
صبرا فصبر
فالصبر منك صاح الصبر
وارتفعت حناجر  الياس
تغني على بقايا نهر
فاض حبا
والان يفيض دما بقدر
بلادي يا بلادي
ها قد مسكوا السكين
ليطعنوا ارضك في الصدر
يقسموك غنائم حرب
والحرب بينهم
من اجل كرسي وأجر
بلادي يا بلادي
احبك كلك رغم مراره الهجر

الشاعر ضياء الدراجي

30‏/12‏/2011

عبدالله الرضيع

بجيت من طاح فرخ عصفور
التمت عصافير الفرع رايده اشيله
وعبدالله بيد حسين عطشان
التمت احقاد الكفر  وسهم تنطيله

الشاعر ضياء الدراجي

احسب الزينات

بالحجي شكد الي زينات
ما شفتك بيوم تشكر
ومن خطاء ما مقصود
السانك علية يبتر بتر

الشاعر ضياء الدراجي

عمري كبير

عمري جبير وما اعتقد موجود
لا ن سنينك ما يعرفه قاموسي
شاب انه وانته ما مولود
تشهد لحيتي لزينه موسي

الشاعر ضياء الدراجي

راس السنة

خلصت السنة وانته ما موجود
يا يوم التجي واكلك شلونك
ارد اكلك كل عام وانته بخير
حل راس السنة من فدوه لعيونك

الشاعر ضياء الدراجي

29‏/12‏/2011

كتاب البشر

كتاب البشر ومسطر سطور
اقرة سطوره تعرف شما بيه
من اول سطرة تبين اطباع
شريف الاصل لو خبثة يغطيه

الشاعر ضياء الدراجي

رد على الاهانة من صديق

لا تظني حجر ما عندي احساس
عندي الاهانة مو شي عادي
بيه عزت نفس وبيه رفعت راس
وعندي الكرامة مشربي وزادي
ما همني كلامك بس كلام الناس
من عرفوا صحبتك غدرت افادي
رفعت ارذل بشر وصرت مقياس
صاروا جبل وانه اسفل الوادي
الساني من الخجل كطعتة بفاس
خوفي من الغضب يصرخ ينادي
انه علم وغيرة واهلي اساس
انه الخير والخير بربوعي بادي

الشاعر ضياء الدراجي

رحيل الاحتلال

كالولي احتلالك ابد ميروح
بس بصبري طلعت احتلالي
كالولي تظل للابد مجروح
وكلمن دواه بخبثه وصفالي
وصفولي دم ورهاب ونوح
والجراري منهم ما جرالي
خسرونة بالموت هواي اخوان
طفي العراق وحال حسين حالي
يعاين عالزلم متوسدة التربان
اسد وعرينه من اسباعة خالي
حسين من مات مو خسران
رفع راس الدين والدين عالي
احلفت بحسين وجفوف عباس
لرجع ارضي ومالي وحلالي
عراقي وبالصبر ارفع راس
اسلاحي ارضي وانهاري وجبالي

الشاعر ضياء الدراجي

23‏/12‏/2011

انفض غبار الحقد

انفض غبار الحقد وخل عينك شع نور
واعترف بيك الغلط لا تعترف مجبور
محروكة ارض الوطن وانته تلف ودور
اعترف بيك الغلط لا تكول شاهد زور

الشاعر ضياء الدراجي

تفجيرات بغداد

شقوا جيوب الصدور واخدشوا الخدودا
عراقً اضحى دمه على الارضِ يسودا
اناملأ ونحوراً واطفلاً وكفوفاً بالدمِ شهودا
فالبسوا السواد فكل يومٍ عاشوراء يعودا

الشاعر ضياء الدراجي

ام تنعى ولدها في تفجيرات بغداد 22-12-2011

ام تنعى ولدها في تفجيرات اليوم
************************
يمه شكول عليك من شفت دمك=احفر بصفك لحد واندفن يمك
************************************************
موت الخذاك شلون ما دره بية=يتيمة وبلا خوان بس انته لية
************************************************
لفجرك كون بساع يحصل منيتة=ودعي لرب الكون يضيعله صيتة
************************************************


الشاعر ضياء الدراجي

22‏/12‏/2011

ضعيه في التابوت

دمٌ سال على ارضي
يفيض من بين لحم وعظم
يملء شوراع بغداد
وتذرف لاجله الدموع
موت لا يعرف الكبير من الصغير
شضايا تقتل الجميع
خرجت من صدور حاقدة
لا تحب ان يفرح الشعب
دوة في كل بغداد
هزت كل مكان
لنصلي لاجلها صلاة الايات
لنصلي لاجل كل من مات
اسف فقد خانتني العبارات
من مات شهيدا
بل روح يوطف الطرقات
بالامس عرسا في الدجيل
واليوم  اعراس موت على ضفاف دجلة
تدعوا بلا اختيار اناس الى الموت
وتحصد بلا استثناء اي عرق او مذهب
كنت اليوم هناك
لكن الموت امهلني لحظات
قال عد الى بيتك
فلك اهل بنتظارك هناك
لكن ماذا عن من مات
اليس لهم اهلا ينتظرون
ويعدون الساعات حتى يعودون
ينتظرون قوت اليوم
ولكن جثث الاحباب يجنون
اه ثم اه ثم لطمات الخدود
على أم تبحث بين الرقود
عن طفل لم يبلغ الرشود
ذهب يحضر الخبز
من فرن قريب
فكان الموت له اقرب
تقلب الوجوة
فما اكثر الاطفال بين الرقود
واخرى تبحث عن زوج مفقود
تجد خاتم زواجها باصبع مقطوع
تسال عن رجل بلا اصبع بين الاحياء
فكان الجواب لم يبقى سوى الاصبع
ضعيه في التابوت

ضياء الدراجي

من اجل شهداء بغداد في يوم الخميس الدامي 22-12-2011

تفجيرات بغداد يوم 22-12-2011

يا قمة نجاسة وياابن ملعون
يا مجرم خبيث لما وصلك فرعون
انت الغدر والغدر بيك يهون

ها ها
مظلومة الناس الماتت مظلومة

جنوبي الاصل وبغداد عنواني

جنوبي الاصل وبغداد عنواني
انباري الهوى ولسان كردستاني
مصلاوي القلب وديالى بستاني
نجفي العشك وبعلي  دفاني
كربلائي الحزن يم حسين تلكاني
سامرائي النغم واللحن بجاني
 عراقي الاصل وعراقي اكيد اني
اعربي ابن اعربي من بني عدناني
تذبحني ليش تريد وبغدرك اناني
اخوك بيه اعترف لا تذبحني ثاني


كتلة اعترف كال انته ايراني
ردلي جوابة بتفجري اخواني
كتلة اعترف كال انت  مو اني
فجر ديرتي وكتلي جيراني
كتله دموي مو بشر انساني
وليكتل بشر اصلة حيواني
عندي سؤال حيرني اذاني
ليفجر مدرسة بريء لو جاني
واليذبح طفل بيا دين عدواني
لا تكلي مسلم الاسلام رباني
دين السماحة والعقل والاحسانِ


الشاعر ضياء الدراجي

20‏/12‏/2011

خربانة

خربانه وصَدك من كال خربانه
بحار انكتل بيدين ربانه
يحلف جذب ويكول موش انه
واديه بلا خجل بدموم حمرانه

فرحانه وتسلوف بيه فرحانه
بقائدها النذل الصفه خوانه
عانه الشعب منه شما عانه
خلانه فريسه للموت خلانه

روافض يدعي والكتل عنوانه
وبخت الحسين طلع نيشانه
جانه بكل وسيلة وياريت ما جانه
رمل جهال العرس وكثر يتامانه

الشاعر ضياء الدراجي

19‏/12‏/2011

ياسر

ارد احلفنك باسمك يا ياسر 
يا سر الخبلاني بحبه يا سر؟ 
جماله الخبلاني بنظرة يأسر
بسجون العشك خلاني البليه

الشاعر ضياء الدراجي

14‏/12‏/2011

الاقاليم

الى كل سياسي يدعُ لاقامة الاقاليم
***************************
اقليم لتريده يصير مو قصدك امنه
قصدك تبوك فلوس يسره ويمنه

الشاعر ضياء الدراجي

الطائفية

لا تجيب الطائفية ودكه اسفين الفراق
احنه شعب واحد شعب اسمه العراق

الشاعر ضياء الدراجي

10‏/12‏/2011

على درب الحسين جينه مشاية


على درب الحسين جينه مشاية
بلباس الجفن وعيون بجاية

نمشي للحسين مرضوض الصدور
يلي كربلا من دمة تفور
مقطوع البنان محزوز النحور
مقطوع البنان محزوز النحور

مقتول الفرات لما شرب ماية

على درب الحسين جينه مشاية
بلباس الجفن وعيون بجاية

نمشي لعباس للمكطعه جفوفه
وكربة مايه بسهام  مزروفه
يصرخ يا كفر احسين ما عوفه
يصرخ يا كفر احسين ما عوفه

انه بن حيدرة وحامل الراية

على درب الحسين جينه مشاية
بلباس الجفن وعيون بجاية


نلطم على الصدور بحركة وبغيرة
نصرخ ياحسين زينب بحيرة
مسبية غصب من ديرة لديرة
مسبية غصب من ديرة لديرة

وظهور الحرم للسوط لكاية


على درب الحسين جينه مشاية
بلباس الجفن وعيون بجاية


جينه نواسي عيالك يا امام
اطفال وسبايه بلايه عمام
نلطم على الوجة نصرخ ياحرام
نلطم على الوجة نصرخ ياحرام

عيال المصطفى مسبيه اسبايه


على درب الحسين جينه مشاية
بلباس الجفن وعيون بجاية



الشاعر ضياء الدراجي
لمناسبة اربعينية الامام الحسين عليه السلام
2011

05‏/12‏/2011

سرتُ للحسين ابكي بدمع فؤادي

سرتُ للحسين ابكي بدمع فؤادي
سرتُ لمقيم ديني بلبس سوادي
ابكي لمقطع الاوداج للدينِ فادي
بدماءِ خيرُ الشبابِ و طفل المهادِ
ابكي بطلٌ على الفراتِ مقطع الايادي
وقربة مثقوبة بجنبهِ تصرخ ماء اولادي
ابكي لأطفال شتتوا في البوادي
بين خيل امية وبين قسوة الأعادي
يا طريقاً في اربعينِ يوماً تصرخ تنادي
هذه عيال احمد مكشوفة للعبادِ
لم يُرى لهم قبلً طرفً ولا سوادِ
وعليلاً بالقيودِ مكبلاً يجرهُ الجوادِ
بقية الله من الحسينِ امامٌ هادي
هذه عيال احمد سباها ابن زيادي
يجرها شمرا ليزيدِ حفيدُ هنادي
فاليوم راسَ حسينً بعدَ اكل الأكبادِ

الشاعر ضياء الدراجي