ايامي تمر مثل الثواني
تاليتي جنازة وفوك الجتوف
شما طالت ايامي وليالي
تحصرني الغرغرة وبالموت مجتوف
أدير العين لصحابي وعيالي
وملج الموت يفتر علي ويطوف
لا عندي سمع ولا يطلع كلامي
والبصر مني راح وبعد ماشوف
تصرخ عيالي وتبجي عمامي
صرت ميت بعد وللكبر مصروف
متوسد التربان وتلقى المعاني
حاضني الكبر وبجفن ملفوف
ياوحشتي من راحو عيالي
ويا ضيمي بعد باللحد معيوف
يعصرني الكبر ويكسر عظامي
الحكيلي يا يمه ويا بويه تعال وشوف
ولو تدري منكر للكبر من لفاني
ولا تظن منكر بحالتي يروف
يسألني عن صومي و صلاتي
وعن ربي ونبي وامامي وكل الحروف
يسألني شزرعت في زماني
وبعمالي شقدمت من منكر ومعروف
شجاوب وبذنوبي محمل كواني
وشسولف عن حياتي مو جنت متروف
شعل النار بكبري وجواني
وصرختي من الوجع تموت بيهه ألوف
ونحشر بالحشر مصلخ تراني
واسمع منادي شيعتي عليه ضيوف
ام الحسن تنادي بالحشر يا الهي
اشفع بحق حسين ومكطوع الجفوف
شعيه علي خير العبادي
بحق اجساد بكربله مكطعته سيوف
الشاعر ضياء الدراجي
الجمعه 13-5-2011
