حبيبتي

رنات صوتك جميلة

اسمعها رغم سكوتك

وعيناك تحكي قصة حب طويلة

بدموعها التي تغور  في مقلتيك

حبيبتي

رغم فراقك لكنك قريبة

اراك في كلماتي

واسمعك مع دقات قلبي

اشمك عطرك يداعب احساسي

يا وطني و ناسي

يامن لشفتها طعم الرمان

وعبق جيدها يفوح ريحان

يا شمس تدفئني

و يا قمر يسحرني

و يا نجوم ترقص فترقصني

ضياء الدراجي

الغربة

الوطن مثل الكاع ينبت ازهار
والغربة سنين تريد تحركة بالنار

الشاعر ضياء الدراجي

اذكر الحسين

اذكرُ حسينٍ بشعري= واصبحُ لأجلهِ شادِ
هذا من اقام ديني = وضحى بطفلِ المهادِ
نادى يا قوم انسبوني= واذكروا خير اجدادي

الشاعر ضياء الدراجي

محرم جاء ينادي

محرمٌ جاء ينادي = ارفعوا رايات سوادي
قتلَ الحسينُ بارضٍ = عطشانٌ مرَ الفؤادِ

الشاعر ضياء الدراجي

الى سارقي الابداع

تنقل شعري وتكول كتبته اني
يم الله كلي شلون تاخذ مكاني

مع تحياتي لسارقي الابداع
ضياء الدراجي

يلصافن على الدنيا

يلصافن على الدنيه لا تكثر الصفنات
دنيه وتعوف حسين ما تنعبد هيهات

الشاعر ضياء الدراجي

دمعي وين يروح

تسالني  دمعي وين يروح
ترا من نار وجناتي يتبخر

الشاعر ضياء الدراجي

صورة شعرية

اذا هارون غدرك وبيه سم الكون
الكاظم كليبي وبخبثك إتسمه

الشاعر ضياء الدراجي

حوار في كربلاء للشاعر ضياء الدراجي

جيتك يا فرات اطلب الماي

عطشانه عيالي وكربتي وياي

يلجرفك حياة ومايك مناي

عطشانة جبتدي والعطش بجلاي

******************

اشرب ياعباس  ولتلذذ بمايي

لا تكول حسين ولا تكول اعيالي

اشرب وخلي الباقي تالي

نار جبدك خربت احوالي

******************

شلون اشرب واخوي حسين عطشان

وامية محاوطينة بخيل وبنيران

واظن العليل من العطش خربان

مايك ما يبرد كلبي الحران

**************************

مله كربتة ونزل للميدان

وبسيوف الحقد كطعوا الجفان

زرفولة كربتة وصفن حيران

وبعمود البين طاح عالتربان

***************************

صرخ يخوي حسين وينك

بعد لحظات خوية مفاركينك

كبل ماموت اشوف عينك

غريب ويم الله مودعينك

**************************

عباس خوية انكسر ظهري

وياهو بعدك يحمي صدري

يا ابن والدي وبعد عمري

دموعي عليك بحركة تجري

********************

زينب تصرخ يا جفيلي

يا حارس هودجي يا دليلي

بموتتك خوية انهدم حيلي

يلمزيد لوعتي ومكثر وليلي

********************

لخادمك ضياء الدراجي

شعلت ظلوع صدري

شعلت ظلوع صدري ردت ادفيك
طلع كلبك ثلج ما تفكة النار
وكف بالباب كلبي مستحي يفوت
طرق علباب طرقة ما حجة الدار
جاوبني صحيح وكول شما تكول
واكد جوابك صفيلي الافكار
تحبني ما تحبني كله مقبول
اقبل بالحجي ولا اظل محتار

الشاعر ضياء الدراجي

ياحسافة

ياحسافة تريد اوكفلك وتانيك
وجروحي تلجم من غدرك اليه
وياهو لما سمع بحبي اناغيك
تغدر وترحل وتكول هاي هيه
اني من فطرتي تولعت بيك
بس مو غبي واعرف الانانية
اناني وهم اناني وما اثق بيك
من اول جرح غدرك شل اديه
تريد ارجع وبغلطة احاجيك
مستحيلة رجعتي و لا تمر بيه

الشاعر ضياء الدراجي

حلم لو حقيقة

حلم لو حقيقة شفتج انه اليوم
بعد كل  السنين لبعدتج عني
كبرنة  وشيب شعرنه اهموم
وليالي الفرح بعدج ما لفني
ايام وليلي  ما اثرت بيج
بعده جمالك  يكتل مسودني
 احبج من عمري عشر سنين
وفراكج حزن  للستين كبرني
اون ليلي وابجي عليج احزان
حزن  يعكوب  مو مثل حزني
 يدري بيوسف ماكله الذيب
و انتي يا ذيب الماكلج مني
جابولة قميصة وبجذب يبجون
واني  بالصدك خيبو ضني
رفضوج بقساوة وبعدونة بساع
مرض هجرج يا روحي كاتلني
ليالي  من مرت علية سنين
واليالي التمر بجروح صابني
كبرنة  وكبرت ويانة جروح
وجروح الكبر بجروح داوني
احلفيلي باغلة ما موجود
ذكرتني عيونج لو نسني

الشاعر ضياء الدراجي

مبلل ما خاف السمة تمطر

كتبت اسمك وسط جفني
أنساااااااك ,أغمض وأذكر
أكعد اسأل جرح كلبي
شجاك اصار  ما تكدر؟
احبك أي  وما مستحي
وحبك للموت ما انكر
صعب حيل الوقت وياي
واصعب من الوقت تغدر
صحيح انه مدلل هواي
وايدي من الخير تكطر
صرت بالعشك افقر شي
وغرامك بالكلب متجذر
ضعت بعيد وي دنياي
ما ظنيت مني بغدر تطفر
خايف ؟ من حجي العذال
لو نيتك تلعب وتهجر
اظل اني ولاجني احبك
واكول  خاين حبيبي ومتكبر
وخل يحجون شما يحجون
المبلل مايخاف السمه تمطر

بقلم  ضياء الدراجي

بيا حال جاي وتعتذر

بيا حال جاي وتعتذر
وبيا وجه تحجي وياي
طبعك انته بس غدر
وطبعي اكثر ابجاي
وياك ضيعت العمر
تغدر ومو سهلة هاي
تعتذر ما انطي عذر
السهم صوبني بجلاي
الحب مو لعبة وتمر
والعذر موش دواي
نخلة واذبلك تمر
تاكل وتبدل الراي
ذابحني بسيف الشمر
تذبح واكول احاي
بيا حال جاي وتعتذر
وبيا وجه تحجي وياي

الشاعر ضياء الدراجي

صرتلك

صرتلك غيم ردت ازخك  ماي
طلع صحراء حبك ما يرتوي بي
أبرقت ثم ارعدت ثم زخيت
بلعت الماي كله ما طلع شي

الشاعر ضياء الدراجي

في عيوني

في عيوني يا حبيبي مرتجى
لهواك صوتَ حُبً ورجا
يا عيوني غاب عني الهوى
وظلامٌ حال صبحي دجى

الشاعر ضياء الدراجي

ردت اكلك انه احبك بس لساني من حبك وكف
يلي حبك مو طبيعي شكفني بحضانك شكف

الشاعر ضياء الدراجي

جر سهمك

جر سهمك تره بكلبي صوباني
وخلي حبك ينزف من كل جروحي
جر سهمك انه من غدرك أعاني
جذب حبك  ما يداويلي روحي
لا تكلي احبك انته ما تهواني
يلجذبك يبساني وذبل عودي

الشاعر ضياء الدراجي

ابوذية الجمعة

سبحان الجمعة خير جمعة
وكلما تَتطَشر كلبي اجمعة
حبيبي من تمر عليك جمعة
دزلي بوسة محبة هدية

الشاعر ضياء الدراجي

يا فقد الكفين للشاعر ضياء الدراجي

يا فاقد الكفين لك مني السلامـــا 
يا شامخا في كربلاء ألف وأربعمائة عاما
يا ابن علي سبع الـــــــــــــدجى
 يا مغوار يا شهيــــــــــــــــــــــــد يا هماما
ذبيت عن أخيك حسينا فنعـــــــم الأخ 
فدى أخيه وعنه حامـــــــــــــــــــــــا
تصارع ماء الفرات بعزمــــــــك 
فيخر الماء بين أصابعك ملامـــــــــــــــــا
لا شربتك بعد اليـــــــــــــوم ولا 
ارتشفتك قبل حسينا حرامـــــــــــــــــــــــا
تهيم بالماء في قربتك مسرعــا
 نحو الديار فقد عطش الكرامــــــــــــــــــــا
فما ردوك عن قصدك بسيوفهم 
ولكن بالغدر قطعوا اليدين من الاكمامــــــا
ونالت منك لكثرتها سهامـــــهم 
تطرز الجسد جراحا وتكثر الالامـــــــــــــــا
وقربة الحياة كجسمك مقصودة 
رشقها سهم والأخر في عينك نامـــــــــــــا
سقطتَ تصادم الأرض بصـدرك 
بلا كفين فما أقسى الصدامـــــــــــــــــــــــا
مفارق الحياة في حجر حبيــبك 
وانقسم لفراقك ظهر الامامــــــــــــــــــــــا
يا قمر بني هاشم يا منيــــــــــر 
أضاءت بك كربلاء في عز الظلامــــــــــــا
وقفت ببابك مـــــــــولاي زائراً 
وقلبي بحبك مملوء غرامـــــــــــــــــــــــــا
رحل الطغاة من على صدورنــا لن
نشد بحبك ونكثر الكلامـــــــــــــــــــــــــا
فتقبل مولاي مـــــــني قصيدتي 
فأنا لك ولأخيك حسينا خُدامـــــــــــــــــــــا

الشاعر ضياء الدراجي

للشاعر ضياء الدراجي  بعد 9-4-2003 في اول اربيعينة للامام الحسين عليه السلام

قصيدة ياجنة الله بحق فاطمة الزهراء عليها السلام للشاعر ضياء الدراجي

يــــــا جنة من الله  أنزلتْ      
هديةً لرسولهِ كشمسِ طلـــــــتْ

نُعتَ بالأبترِ فتكسر قلبــــــهُ      
والدموع من عينيه  هلـــــــتْ

أهتزت لدموعهِ سبع السمـا      
وسبع الارضين منها زلزلــــــت

فـــدموع محمدٌ والله عزيزةٌ      
من أجله الاكوانُ قد خلقـــــــــتْ

انزل الله الأمين مبشــــــــرا       
ذرية النبي بفاطمة وْصِلـــــــتْ

فاطمة سيدة نســــاء ارضنا      
نعمةُ اللهِ بخيرٍها حلــــــــــتْ

أم أبيها علما منه  تعلمـــتْ     
وعن صراط ايمانها ما زلــــــتْ

معصومةٌ كأبيها وزوجـــــها     
من علومِ الله علمها نهلـــــــــتْ

بزفافها السمـــــــــوات زينتْ     
وخامسةٌ اهل الكساء  دثـــــرتْ

يا كوثر محمدٌ المصطفى و يا   
 زوجَ عليٍ و يا خيرُ من حملـــتْ

يا محشورتهَ الحائطِ والبـــابِ 
    خشية العقول التي جهلــــــــــتْ

ما حالُك والمسمار كاســـــــرُ    
ظلعُ دينٌ بيد قلوبً ضلـــــــتْ

جرحوا بقتلكِ  قلبَ محمــــــداً     
لعن الله قذا  للباب ركلــــــــــــتْ

يا فتاةً في عمر  الصبا    
من أهلِ جهلٍ إلى قبرٍ عجلــــتْ

يعجزُ عن حملكِ من قهر العدا    
و لخلع الباب أعدائه ذُهلــــــــتْ

أمامٌ يلين الحديد لبأســــــــــه      
وعن حملكِ يداهُ حزنا وجلــــتْ

مولاي لو رأيت حسناً مسـجى     
والسموم من كبده قد أكـــــــلتْ

وحسيناً في كربلاء مقطعـــــاً      
وراسه عن الجسدِ بخبثٍ فصلتْ

تسحقهُ الخيول بحوافرهــــــا      
وعيالهُ من حقدِ أمية شتـــــــتْ

يروعهم شمرٌ بسوطهِ ملوحا       
وضرباتهِ بأكتافهم شكلــــــــتْ

افنوا من الأرض أل احمـــــد       
ألا عليلً لولا مرضه لخلــــــــتْ

الشاعر ضياء الدراجي