عدد الذين شاهدوا هذه الصفحة معك

28‏/04‏/2012

قديمة ضحكتك هاي


قديمة ضحكتك هاي
جنت طفل واصدك الضحكه
شرايد تلعب علي جاي
كبرت وكلبي الوقت ضكه
تلعب خشن بس وياي
ولغيري دفاعك تفكه
لا شفت منك لازرع لاماي
واحوالي بيك  مرتبكه
شمتت كل صحبتي وأعداي
صرت شعار ومعلك بفلكه

بقلم ضياء الدراجي

شليت مني الكلب بحاجبك والله




شليت مني الكلب بحاجبك والله
يا بو سوالف ذهب يا ريحه الدله
مصدوم بيك العقل وبيه الف عله
مذلول بمحبتك شمحلاها من ذله
ون تاه مني العشك يم دربك اندله
خليني ابوس الجفن اتوسلك يلله
خليني ابوس الجفن و حسبه علي زله
معذور عاشك تره  وعشكك عقل ما خله


بقلم ضياء الدراجي

26‏/04‏/2012

سولفت السوالف طلعن اهواي


سولفت السوالف طلعن اهواي
وحدتهن جبل ينزف هموم
يا هم الاكوله يشكي ويياي
ودموعه مطر بعداد النجوم
خليني اسولف واسمع الجاي
لسد اذانك بعدني ملجوم
غدراتك مطر زخن هواي
يسكني بمرارة طعم السموم
ترمني بسهامك تضرب جلاي
عشكك لغيري خلاني ما كوم
ادور ع العشك جنك الماي
يدور السواجي بعد الغيوم

بقلم ضياء الدراجي
2012

22‏/04‏/2012

كبرنه




كبرنه وبعد ما تصح الروح
كبر منه العشك يبس بالجروح
كبرنه وصوت الفرح تبدل نوح
نزل وي الدمع بصواب ميروح

بقلم ضياء الدراجي

20‏/04‏/2012

شنهو الصار شنهو الجره



شنهو الصار شنهو الجره
شنهو هم ردينه ليوره
صارت طويلة وجرجره
وصلت حد الغرغره
شبان بلايه مره
ونسوان انكتبت ارمله
وبيوت صارت طرطره
والجوع عذبنه والعره
ومسؤول طك وثره
يبني قصور خيبره
يحجيلي سوالف عنتره
وبلا خجل باك وسره

اذا اكولن اكل (...........ره)
واذا اكولن ابن الـ (قـ.........ره)
كلمات ما تطلع تره
وسوالف مو بيع وشره

ولو دره لو ما دره
واعتذر لان هذا ما جره


بقلم ضياء الدراجي
20\4\2012

19‏/04‏/2012




فجرونه وضيعونه بلا سبب
واسبابهم تافه مثل العجب
نسبونه وطلعونه بلا نسب
مو عرب انتم ,لا احنه عرب
فجرونه واعلنوا جهاد وحرب
وفتاويهم يابسة مثل الكرب
خربونه وعلمونه كتل المحب
ولما يضوك الموت من عنده هرب
عذبونه وطلعونه بدموع التصب
وصوت الثكالا بمقابرنه طرب
جرحونه وعلمونه معنى الغضب
سلحونه وعلمونه على الدرب
ومن اكولن خرب يعني خرب
وعراقنا من الماسي ياما شرب
ياخي عوف الشتايم وبيه لا تسب
خلينه نتفق ما اعتقد هذا صعب


بقلم ضياء الدراجي
19\4\2012

17‏/04‏/2012

حبٌ جاس في صدري

حبٌ جاس في صدري
يسري حيث لا ادري
يدق أجراس مجلجلة
كالطفل يدق و يجري
افتح الأبواب مبتسما
والحب بان من ثغري
أراه راح مبتعدا
عطشان يشتاق نهري
ملئت الأوحال قلبي
فعد لقلبي اكري
اصرخ أرجوك عد لي
قد بح صوت نحري
يصنع ألأمال سجنا
ينظر لحظة غدري
أنا من ضاع حبا
بين أشواق هجري
يسكن الليل روحي
فياليل اطلق فجري




بقلم ضياء لدراجي

16‏/04‏/2012

لن انزل الجبل


لن انزل الجبل
سأظل شامخ بروحي
لن اترك الامل
ساحيا واكبت دموعي
لن يمنعني الخجل
سأقول احبك رغم جروحي

بقلم ضياء الدراجي
16-4-2012

ما بين عينيك




ما بين عينيك
تنبع الاحاسيس
تنادي احبك
وتطرق العيون
خجلا من كلمة احبك
حتى تغط في نوم عميق
تحاكي الاحلام عن حبك
وترسم خط الغرام
بلون الزهور
معطرة الحياة بعطور الحب
اليوم انادي
احبك احبك
نعم احبك
رغم سنيني الاربعين احبك
هذا نيسان الحب
هذا يوم الدرب
يوم وضعت روحي
بين ثنايا جسدي
لاكون لك
حبيبا

بقلم ضياء الدرجي
16-4-2012

14‏/04‏/2012

خط الحب على قلبي



خُط الحب على قلبي
بلون العشق المعهود
يسري بالدوم يلبي
اشواق للحب تسود
يا حالي هذا دربي
لا اعرف غيره موجود
امشي اشكوا لربي
عشقا في القلب يزود
من قال اني اهذي
من قال اني اعود
ها انا روحي اهدي
لحبيبٍ بالحبِ يجود
يسقيني حبا يجري
نبعه صافي محدود
عذب يثلج صدري
حب لأجلي مولود


بقلم ضياء الدراجي
14-4-2012

12‏/04‏/2012

كذب في كذب

من نفس نهر الكذب
تصب هذه الدموع
تجري بين ثنايا جروحي
ترويها من الالام ما لا تطيق
لتغني غيوم الهجر
رعدا يصم اذان الغادرين
وتبرق الاحزان في سماء الندم
وتتساقط كلمات الاسف
زخاتُ من كذب
تضيع في بحر من كذب
كذب
كذب
كذب
أ حب هذا ام كذب
عيونك كذب
رموشك كذب
نظارتك كذب
قبلاتك كذب
احضانك كذب
كذب في كذب
وانا المسكين لا اعرف الكذب


بقلم ضياء الدراجي

قلبي مغلق

سافرتُ لعلي أنساكِ
وكتبتُ فوق قلبي مغلق
لكن البعد زاد هواكِ
كلما أغربتُ يشرق
حبيبتي ماذا دهاكِ
بعدي أو قربي لا يفرق
أعاني من جرح جفاكِ
وجفاك على الجرح يطرق
أذا الله جمالا أهداكِ
فشفقي على عبدٍ به يغرق
يذوب في ماء صباكِ
ويذوق المر في أرق


بقلم ضياء الدراجي

09‏/04‏/2012

التابوت

تذب روحك على التابوت تصرخ ياخويه ا طلعلي
جذب نوحك على اليموت تفرح بلحد ميسعلي

بقلم ضياء الدراجي

تكلي جذاب

ما كتلك جذب حتى تكلي جذاب
لان الساني ما يعرف الجذبه
كتلك ياخويه خلينة احباب
احفظ السانك لو اعرف اتهذبه

بقلم ضياء الدراجي

الماي ثلث ذرات

الماي ثلث ذرات بيهن نبرد الحار
فك الاصرة وشوف كلهن يصيرن نار

بقلم ضياء الدراجي

نصف الفنجان

تفشلني مو انه الفشلان طبعك بالاصل فاشل
فنجان نصه ماي اشوف ممتلي وتشوفة واشل

بقلم ضياء الدراجي

قمة

قمة ما محتاجين لن احنه بالاصل قمة
جمعنة خوان ومحبين وطبعنة ندور اللمة

بقلم ضياء الدراجي

حسين والعباس وعلي عدنه

رفعنه بزودنه الرايات اوصل لنجم حدنه
لان حسين والعباس وبوهم علي عدنة

بقلم ضياء الدراجي

يتيم وفاكد الضمة

مد ايدك افتحلي الذرعان يتيم وفاكد الضمة
يدور ما بين الاحضان حضن يشبه حضن امه

بقلم ضياء الدراجي