دارمي الجروح

دورت على الطيبات يمك ما شفتهن

شفت طعنات الظهور وجراحي ولدهن

***************************

ضياء الدراجي

جناس الابوذية

انه قصيدة حزن كتبته الايام

وانه اول شطر من الابوذية

تعتب علي وتتبدل الجناس

وباخر شطر تعدمني باذية

بيهن مماثل مختلف معناه

والمستوفي بيهن ماعده دية

ومنهن مركب بيه جزئين

وجناسة فرد يحمل معانية

والمفروق بيهن متشابة الالفاظ

لكن بالرسم مختلفة كتابية

والناقص ناقص بعداد الحروف

بس بالشعر يمشي علية

والمختلف بحرف لو حرفين

هُمَزَةٍ ولُمَزَةٍ جناس اختلافية

**********************

ضياء الدراجي