عدد الذين شاهدوا هذه الصفحة معك

25‏/02‏/2012

لا تزيد همي

لاني متعذب ولاني هم سعيد
من رحت ردت اضنوني من جديد
يلرحت سلم علية
انه حبك هم خطية
اخذ كلبي وياك لورايد تروح
لا تزيد همي وتكثر الجروح
صدري هلضايك علية
انه حبك هم خطية
دمعي ما ينساك وما ضنك تعود
انته عايف شوك ومبطل العهود
يلسافرت ارجع الية
انه حبك هم خطية
لاني متعذب ولاني هم سعيد
من رحت ردت اضنوني من جديد
يلرحت سلم علية
انه حبك هم خطية

بقلم ضياء الدراجي

24‏/02‏/2012

عندما يموت الابداع

عندما يموت الابداع 
يفقد الامل
كما يموت الانسان 
فتولد حياة من جديد
بعالم اخر قد لا يشبه العالم السابق
واليوم انا بثوب جديد
بعيدا عن عالمي السابق
لا تبحثوا عني 
فليس لي مكان اخر
غير مكاني هذا
فقد طلقت كل شي 
وولدت من جديد 
بفكرا جديد
هذا انا
بعيد عن لسعات النيران
وقرصات الافاعي
هذا انا
في عالمي الجيد
بين احضان من يحبني
ومن حولي اوراد فقط
بلااشواك ولا دموع
ولا كلمات توجع 
فلا رجوع
لا رجوع

ضياء الدراجي

انهيت كل حساباتي

انهيتُ كل حساباتي
واصبحت بكحمِ المطلوب
انا من كان لي وطنٌ
واليوم اصبح مسلوب
يشتاحه غيري بقساوتهِ
وهو علية محسوب
يا وطنا كان يؤنسُني
بين ذراعيه محبوب
طالتهُ ايدٌ باردةً
تقاسمهُ فراشاً مغصوب
محبوبي وطنٌ يحوني
محبوبي لغير مكتوب

بقلم ضياء الدراجي

ضياء الدراجي

من وجعي اصرخ
واقول ما لا يقال
من وجعي انحب 
وعويلي كالاطفال
انا دخان نار
طار في السماء
ورماد موقد
تناثر في ليل شتاء
انا انا انا
عذاب قبرا
ودموع بلا بكاء

ضياء الدراجي

20‏/02‏/2012

البسيط



يا مرتجِ رشف الهوى من غانياتِ المرجلِ
تلسعك نارٌ حَــــــــــوتْ قبراً بموتٍ مُعجلِ

الشاعر ضياء الدراجي

الرمل


خيروني بعشك ثاني من جديد
كلت غيرك يا حبيبي ما أريد
انته دمعي انته شوكي والجروح
انته عيني انته دمي بالرويد
أبحبك انه ما عرفت المستحيل
كلشي هاين لجلك أفك الحديد
أنه خايف يفركونه لو يجون
أنه خايف تنسه كلمات العيون
أنه خايف من غدرهم تنعدي
أنه خايف حبي من حبك يهون
أرد أبشرك يا حبيبي مهما صار
تنسه ما تنسه .... حبيبي للجنون

الشاعر ضياء الدراجي

الوافر


********************
يا حبها في القلبِ يزيدُ
شوقاً بحبٍ وعشقٍ فريدُ

الشاعر ضياء الدراجي

********************
عشكتج بعِشِك ما لا تالي
عفت اهلي وعمامي وخوالي

الشاعر ضياء الدراجي

18‏/02‏/2012

من كثر ما عشكتج

من كثر ما عشكتج صرت مجنون
حطوني بقفص هلي وسجنوني
ومن كثر غيضي طلع دم السنون
عوفوني ياهلي خلوني بجنوني
ومن كثر ما بجيت  عمت العيون
الج فدوه اروحن اني وعيوني
ومن كثر عشكج ورمد الجفون
جنون وعمه والله بحبج  ولوني

الشاعر ضياء الدراجي

بحث فيس بوك

بحثتك بكل خفايا الفيس
ردت اضيفك ما وجدتك
وصوفلي لاسم مجهول
نكزت كل ضني نكزتلك
ردلي جوابه بغضب زعلان
منو انته ما عرفتك
كلته انه مولع بمحبوب
وبلغلط وصفولي صفحتك
واعتذر لان اني مهوس
وهذي غلطتي مو غلطتك

الشاعر ضياء الدراجي

اكشف عليه

اكشف عليه خليني ارتاح
انته  طبيبي تعرف البيه
واكتبلي وصفه تشفي الروح
لو توصفلي نفسك دوة ليه

الشاعر ضياء الدراجي

17‏/02‏/2012

كفي عني دمعك

كُفْي عَنّي دَمْعَكِ فَقَدْ أَبْكَيْتَنْيْ
دُمْوعَاً يَبْكْي مَنْ َاجْلِها الصخرِ
وَيْنْحْبُ في ثَنْاْياها كلَّ ذي جرح
مَوشومٌ على قلبٍ حْطَمَه الدهرِ


الشاعر ضياء الدراجي

كيف يوزن بيت الشعر

كيف يوزن بيت الشعر
الطريقة الاولى والاسهل ان نكتب على لحن اغنية معينة
اما الطريقة الثانية فهي
1- نحول البيت من الكتابة الاملائية الى الكتابة العروضية
اي نكتب ما ينطق ونحذف ما لا ينطق واعني بذلك المتحرك والساكن والتشديد مثل تحويل التنوين الى حرف نون والكسرة الى ياء والحرف المشدد الى حرفين مثل
مجتمعُ الى مجتمعن
البلادِ الى البلادي
تفجّر الى تفججر
وهكذا
اما الحروف التي لا تنطق فتحذف مثل
على الطائرة تصبح علطائرة
2-ثم نبحث عن الحرف الساكن والمتحرك
الحرف الساكن الذي ليست فية حركة نضع علية سكون
اما المتحرك فتجد علية احدى الحراكات التالية الفتحة او الضمة او الكسرة
نضع تحت الحرف المتحرك 1 وتحت الحرف الساكن رقم 2

مثال من كتاباتي

لن أنساكِ حتى القبر
لَ نْ أَ نْ سْ ا كْ ي حَ تْ ى اَ لْ قَ بْ رْ
1 2 1 2 2 2 2 2 1 2 2 1 2 1 2 2

أنا أهواك شـــــــــــاع الخبر
اَ نْ أَ ه و ا ل ك ي شَ ا ع اَ ل خَ ب ر
1 2 1 2 2 2 2 2 1 2 2 1 2 1 2 2

فاذا جاء نفس عدد الحروف ونفس الترتيب فالشعر موزن ويمشي هذا التقطيع على كل القصيدة

15‏/02‏/2012

قاسي حبل غدرك


قاسي حبل غدرك ملفوف اعلركباي
اعدمني بعد شتريد واعدم حبك واي

الشاعر ضياء الدراجي

بجيت

هواي هموم اجتني بس ما بجت عيني
وبجيت عليك من كالوا مسافر وناسيني

الشاعر ضياء الدراجي

مالبخته


حايط كلبي من القهر تفطر ....ما لبخته
لن حبيبي من جذب اهله .....مال بخته
عسى ملج الموت مال بامة.... مال بخته
كاللي تزوج من حبيب وجذبن علية

الشاعر ضياء الدراجي

11‏/02‏/2012

ابوذيات جميلة جدا لكبار الشعراء العراقين (شعر شعبي عراقي)



سمير صبيح
انة من الجرح ماخاف .. لوسال
يراه شامت واخاف شلون لوسال
سيفك بالجذب لعداي .. لوسال
علي هد واكولن هد الية
ـــــــــــــــــــــــــــــــــ
نور اللامي
وكان شعجب زعلت .. من ايّان
وشوف شصار بية .. من ايانة
انة شعجب يزعل .. مني انة
وعلية شعجب يزعل من علية
ـــــــــــــــــــــــــــــــــ
صباح الهلالي
انة الما يوم عاذل .. ملكيتة
وابد ما امل زماني .. مل لكيتة
يريدوني اهدّة .. من لكيتة
اعمة وجلبّت شيفك ايدية
ـــــــــــــــــــــــــــــــــ
نور اللامي
انة من سنين احبك .. هايم انة
وكل حسرة بدليلي .. هايمانة
يكلبي انطيني جفك .. هاي امانة
حبيبي بمهجتك ضمّة الية
ـــــــــــــــــــــــــــــــــ
عطا السعيدي
منهو الكدرك يا زين ..من ساك
يبو ثغر البعود الارك .. منساك
انة بحتف المناية وكلت .. منساك
بنهر جسام وذكرك عصف بية
ـــــــــــــــــــــــــــــــــ
رحيم المالكي
زماني بفركتك حزين .. حزنة
وعلى كل الحزن والنوح .. حزنة
تعال على الدليل وشوف ..حزنة
مغيم ما صفة ومخبوط ميّة
ـــــــــــــــــــــــــــــــــ
احمد الذهبي
وحك هموم البصدري .. والاكراب
الماي بغيبتك صدك .. ولك راب
الي رب اليصبرني .. وألك رب
اليفجعك بالعليهم خنت بيّة
ـــــــــــــــــــــــــــــــــ
احمد الذهبي
تحن الروح كلساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية
ـــــــــــــــــــــــــــــــــ

رحيم المالكي
شنفعني الجو يا صحاب .. من خلالي
اخذ ربعي واخوتي .. من خلالي
كثيرة ذيول عبرت .. من خلالي
الزلم واشباههة عبرت علية
ــــــــــــــــــــــــــــــــــ
رحيم المالكي
انة المكسور دومي .. من لحمني
اسد خيوط ربعي .. منلحمني
ابي وما كلت روحي .. من لحم ني
تلحك تستوي وتنطيهة ادية
ـــــــــــــــــــــــــــــــــ
احمد الذهبي
روحي من المصايب .. ناخ ذلهة
شفت عزهة بمذلة .. ناخي ذلهة
اكو وادم تحية .. ناخذلهة
وهي الجتالنة تاخذ تحية
ـــــــــــــــــــــــــــــــــ
رحيم المالكي
سلطان على روحي .. من يعللك
يالعاذل بهمي .. من يعللك
لا تمن بدهرك .. من يعلك
ترة بنفخة هوة ترد للوطية
ـــــــــــــــــــــــــــــــــ
احمد الذهبي
علي ما افضل احد .. وانتة افضلك
واهد وافزع واثورن .. وانتفض لك
يبيك شلون خانوا .. وانتة فضلك
عليهم مثل فضل امي علية
ـــــــــــــــــــــــــــــــــ
محمد الغريب
كلبي ما لعب غيرة .. لعابة
واحسن شفة لامراضي .. لعابة
سبحان الذي صاغة .. لعابة
ونفخ بي روح حتة يعم علية
ـــــــــــــــــــــــــــــــــ
محمد الغريب
يمن وجهك بنص الليل .. لالة
شنو امك بالنساوة اشتهت .. لالة
من اكرّب ليك ليش تصيح .. لالة
خايف لا تموع ابين ادية
ـــــــــــــــــــــــــــــــــ
محمد الغريب
امش مملوح غيرك .. يمشي فاهي
وعجز يوصل الوصفك .. يمشفاهي
لون تدنة شفاهك .. يم شفاهي
الزك من تحط جيلات بية
ـــــــــــــــــــــــــــــــــ


محمد الغريب
وحجابك هذا لو قطعة .. من الغيم
ويحفظك يا ترف ربي .. من الغم
دكضني خلصت كصتي .. من الغم
من اشوفنك تصير جنون بية
ـــــــــــــــــــــــــــــــــ
محمد الغريب
من الفرح ما ظل .. شايبانة
ووكتنة من زغرنة .. شايبانة
تشوفيني يعمي .. شايب انة
ابيض راسي بس روحي طرية
ـــــــــــــــــــــــــــــــــ
رياض الحار
صفنتلهة وضربت اخماس .. بسداس
وتعبت على البنيتة وياك .. بسداس
صحيح انة لعبت وياك .. بس داس
غلبتني بطيبتي العمت علية
ـــــــــــــــــــــــــــــــــ
رياض الحار
هاك خيوط روحي .. هاك ابرهة
ولو صاير بحرهة .. هاك برهة
الك حسرة بدليلي .. هاكبرهة
علي ثكلت مثل ثكلك علية
ـــــــــــــــــــــــــــــــــ
جبار رشيد
طلبتك ما كلتلي ابشر .. ولا هاك
شلهاك وغيرك عني .. ولهاك
ضميرك لازم يألمك .. والهك
هم يحاسبك باجر علية
ـــــــــــــــــــــــــــــــــ
فاضل كريم
وكلت مرخوص فوك الجسد .. عدي
وجم مرة تزل ونكول .. عدي
احس مرات كل الصوج .. عدي
انة الغلطان رهّيتك علية
ـــــــــــــــــــــــــــــــــ
جبار رشيد
وثيقة بكل فخر كلبي .. وثقلاك
جبل ما شفت باخلاقك .. وثقلاك
الك يرخص دمع عيني .. وثق لك
الكلب لمن يدك يوكع بدية
ـــــــــــــــــــــــــــــــــ
مجهول
صار الكلب كاسك .. وانتة كاسة
والميحبك خسارة .. وانتكاسة
لو العب ابدوري .. وانتة كاسة
اشيلك حتة لو خسران مية
ـــــــــــــــــــــــــــــــــ

جبار رشيد
هاك اشعل كلب كلبي .. ووج هاك
على حالي راح اعلمنك .. ووجهاك
بشالك من تلف شعرك .. ووجهاك
تلف روحي مثل لف المنية
ـــــــــــــــــــــــــــــــــ
رياض الوادي
اعترفت بعضمت لسانك .. وقريت
شمالك عتعتت هسة .. وقريت
انة العلمتة القراية .. وقريت
وهسة يريد يقراهن علية
ـــــــــــــــــــــــــــــــــ
رياض الوادي
عمري تيهيتة وضاع .. سني
كبرت وطاح من كدامي .. سني
شيعي وجيف احبة صرت .. سني
وتيهت الخمس والمرجعية
ـــــــــــــــــــــــــــــــــ
رياض الوادي
مجلّب لا رضة يهدني .. ونهدة
ولا ساعة الرضة نكعد .. ونهدة
ابوس بي من شفتة .. ونهدة
وصلت للصدك بدل علية
ـــــــــــــــــــــــــــــــــ
رياض الوادي
تعال اكعد نصفي الألك .. واللي
وعلية النوب ياهو تريد .. ولي
كلتلة خل ابوسك كال .. ولي
شنو تبوسني تنّك علية
ـــــــــــــــــــــــــــــــــ
نائل المظفر
الك مملوء دلالي .. والة هجاء
ونسيت الحجي من شفتك .. ولهجاء
حروف الابج وهوز .. ولهجاء
يدكن لو كتبت اسمك تحية
ـــــــــــــــــــــــــــــــــ
نائل المظفر
جذب جفي بعدكم .. يومي لأحّد
وهواكم وين حدة .. يو ملا حد
انة لو ما اجيكم .. يوم الاحد
الثنين من الصبح لطموا علية
ـــــــــــــــــــــــــــــــــ
نائل المظفر
زاد بكلبي شوكك .. وانتة قل بي
ووصل للراس حبك .. وانتقل بي
احب شلون غيرك .. وانتة قلبي
وانة بكلبي احبن مو بدية
ـــــــــــــــــــــــــــــــــ


نائل المظفر
اكوم اجلالن لحسنك .. واقف لك
واسجل كلبي يا خلي .. وقف لك
واحطك بي واقفلنة .. واقفلك
واطب بصدري واقفلكم علية
ـــــــــــــــــــــــــــــــــ
رحيم المالكي
وياك بلشت بلشة .. يابلاشي
وحسافة طلعت عدك .. يابة لا شيء
بثمن يوسف بعتني .. يا بلاشي
وقميصي اربع جهات انقد علية
ـــــــــــــــــــــــــــــــــ
نائل المظفر
تدري شكد الك كلبي .. ولع ضام
صغار جروحي يهونّك .. والعظام
اموتن وندفن واعتك .. والعظام
يزحفنلك زحف لو صحت الية
ـــــــــــــــــــــــــــــــــ
رحيم المالكي
مدري العيب عندك .. مدري عدي
ومدري غلط عدّك .. مدري عدي
مدري اوكف واطالب .. مدري أعدي
واكولن ينصلح ويرد الية
ـــــــــــــــــــــــــــــــــــــــــــ
نائل المظفر
السعادة من اجيبنهة .. والافرح
وعلى الخوان راح اصفن .. والف راح
الف عدموه والف سجنوه ..وألف راح
واتاني وما رجع واحد علية
ـــــــــــــــــــــــــــــــــ
رحيم المالكي
وفيت وية الربع محد .. وفالي
وياهم خاب كل ضني .. وفالي
خشب فول الربع وتدج .. وفالي
حديد وحرش كسرتهة من ادية
ـــــــــــــــــــــــــــــــــ
نائل المظفر
بس احنة المصايب .. صاحبنّة
لان كلساعة ندفن .. صاحب النة
ابنة المات محد .. صاح ابنّة
خاف نصيح ويعدمون اخية
ـــــــــــــــــــــــــــــــــ
ستار اللامي
وليت اغم وكتي علي .. ولاج
وصرت لكمة بحللك شمات .. وانلاج
بعض مرات صح انضنك .. ولاج
بس انخي علي تفرج علية
ـــــــــــــــــــــــــــــــــ


ستار اللامي
يلبهمك ملابس .. لابستني
وثوب الحزن بيدك .. لابستني
رحت لا صالحتني .. لا بستني
ولا كتلي جذب حقك علية
ـــــــــــــــــــــــــــــــ
ستار اللامي
العمر ماي وتبدة كلف .. لمّة
وعلي نكبات هجرت صفت .. لمة
كلتلة شوكت تفرح كال .. لما
اشوف جنازتك تمرك علية
ــــــــــــــــــــــــ
ستار اللامي
تسودن دهري وعضني .. برحّاه
واصيح احاه خلاني .. برة احاه
عضتة ما كفت حطني .. براحاه
حنت راحتة وما حن علية
ــــــــــــــــــ
ستار اللامي
اريد الزم خديدك .. واشتمنة
واريد انعل ابيك .. واشتمنة
تدري شراد كلبي وشتمنة
على صدرك اموت وهاي هية
ــــــــــــــــــــــــــــــ
ستار اللامي
اطلبة وأجة وفّاني .. سواه دين
شدهني وصارت براسي .. سوادين
يحقلي احزن عليك البس .. سوادين
الوجه والثوب اصبغهن سوية
ـــــــــــــــــــــــــ
ستار اللامي
انة الما يوم خلّة وياك .. خليت
شجاك وبالظهر سجين .. خليت
شعندي وشبعد يا ترف .. خليت
صفة حتة البدي هم موش الية
ـــــــــــــــــــــــــــ
ستار اللامي
اوعي بالضماير ردت .. يوعان
طحت ما شفت واحد كام .. يو عان
بدي وكلت اخوي الجان .. يوعان
مسح حلكة بقميصي وعض ادية
ــــــــــــــــــــــــــ
ستار اللامي
ساعة الوكت مشراكة .. سعافاي
وعلي بجفاك ما تلحك .. سعافاي
جنت نخلة ويفيي الهم .. سعافاي
وعلى كرصة خبز جيموا بية
ـــــــــــــــــــ


ستار اللامي
ارضعتني الدنية همهة .. من اهدهة
طحت والطيحة طيحة .. من اهدهة
والله بصدري حسرة .. من اهدهة
ابجّي المن صخر كلبة علية
ـــــــــــــــــــ
ستار اللامي
البشر معدن تعرفة بيوم .. ينحاك
يوم التوكع ومكسور .. ينحاك
علي خيط المصايب كام .. ينحاك
والتكتلك اخوي الحاكة الية
ــــــــــــــــــــــــ
سمير صبيح
طبع بية ابد ما اذم .. ولاداس
وجدمي ما خطة الشينة .. ولا داس
لذلك ما ربح حضّي .. ولا داس
وصفة حتة الربح خسران الية
ـــــــــــــــــــــ
سمير صبيح
الدنية شكد احبنهة .. وابرهة
تزرفني بمخايطهة .. وابرهة
جاعت ناكتي واكلت .. وبرهة
الدرب طول واخاف ترد علية
ـــــــــــــــــ
سمير صبيح
عليمن تحسب اخطائة .. تعد له
الميت بالبجي شتظن .. تعدلة
العوج عودة صعب ظلله .. تعدلة
يظل اعوج لما تلفة المنية
ـــــــــــــــــــــــــ
رحيم المالكي
العواذل حبلة بية دوم .. طالق
سهم بعيونهم للموت .. طالق
بعد ماخاف كلت للخوف .. طالق
الشجاع يموت والروحة رخية
ـــــــــــــــ
عباس عبد الحسن
المصايب غير كلبي .. مالهنة
وابد عنك يصاحب .. ما لهنة
دمعي عليك الاصلي .. مال اهلنة
ودمع تمساح من تبجي علية
ـــــــــــــــــــــ
رحيم المالكي
بحرك كمت دورتة .. وبرك
بعد ما ينفع ايمانك .. وبرك
اذا مخيط الك نابت .. وبرك
وشم دكن بصدري من الاذية
ـــــــــــــــــــــــ


عبد الحسين الحلفي
كبل من اصل طيب .. فرعينة
وهسة العكل طاحت .. فرعينة
الوكت يخزر علية .. فرعينة
درت عنة وبقت عينة علية
ـــــــــــــــــــــــ
عبد الحسين الحلفي
يا دنيا وياي بعد وبعد .. جدي
وعلي صيحي بعالي الصوت .. جدي
هجمتي بيت ابوي وبيت .. جدي
وانة بلا بيت شتهجمين الية
ــــــــــــــــــــــ
عبد الحسين الحلفي
أشّفنة من عمرنة .. شفتهمنة
وهمنة كبال عينك .. شفتة همنة
ذبحنة وفوك ذبحة .. شوف تهمنة
يكلهم بالذبح تعبولي ادية
ـــــــــــــــــــــ
عبد الحسين الحلفي
احباب الروح كلبوا فرد .. كلبة
ووكتنة بلون نص الليل .. كلبة
دفعني وانكلبت شلون .. كلبة
وسحكني ومن عثر ضل يسب بية
ـــــــــــــــــــــــــــــــــــــــــــ
عبد الحسين الحلفي
يدنية كافي دخنة .. شرّطينة
وشرط سجين بيدج .. شرطينة
نشف ماية عمرنة .. شري طينة
دخل يلحك بماية وهاي هية
ــــــــــــــــــــــ
عبد الحسين الحلفي
شفافك عسل وحصتي .. مرة منهن
وكطعلي جلاي سهمك .. من رمنهن
وجم مرة لحكتك .. مرة منهن
مو انتة طلعت وشصار بية
ـــــــــــــــــــــــ
رحيم المالكي
يكلبي ما نفع تعبك .. ولا رباك
وحصتك صارت الدوخة .. والارباك
بطريقك بعد ما اعاين .. ولا ارباك
من اطيعك هم تردني الحفر حية
ــــــــــــــــــــــ
سمير صبيح
روحك هم مثل روحة .. بها ون
وتدور عالفرح كاعد .. بهاون
جبت عمري مثل كهوة .. بهاون
يدك والنار عين الهة علية
ـــــــــــــــــــــــــــ


رحيم المالكي
لان دكات شماتي .. بهاماي
وشل لا تظن عيني .. بها ماي
اذا عالذل رضة يبصم .. بهامي
اكطعة ان جان يرضالي بردية
ــــــــــــــــــــ
سمير صبيح
اسكت لا تظل تشكي .. بهاماك
وتلوم الروح وتعضعض .. بهاماك
اخذ طبع النخل وارفع .. بهاماك
واذا بالطين عركك هاي هية
ـــــــــــــــــ
رحيم المالكي
انة الواضح والمبين .. ولا خاف
وانة الما رجفت جدامي .. ولا اخاف
وانة الما نكص وزني .. ولا خف
اختفيت وخفت خف وزن العلية
ـــــــــــــــــــــــــــــــــ

سمير صبيح
حميتك دافعت عنك .. ورحماك
الطعن اهون ولا الوذن .. ورة حماك
كلت اوليك ما اعوفك .. ورحماك
وليت وطيبتي العمت علية
ـــــــــــــــــــــــــــــــــ

رحيم المالكي
حبيبي جروح الك بالروح .. حالن
وامس جنت احسن من اليوم .. حالن
اريدك تنتخيلي وتمر .. حالن
باجر وين ما تلحك علية
ـــــــــــــــــــــــ
سمير صبيح
مهلة انطيني واصبرلي .. لعلماك
اخاف تكول ما يدري .. لعلماك
انة السارية الواكف .. لعلماك
من اطيح تطيح خركة على الوطية
ــــــــــــــــــــ
رحيم المالكي
اتّنخة تريد اجيك اليوم .. بالحال
وانت اعرف حبيب الروح .. بالحال
شمحلهة وياك ما تقتنع .. بالحل
ادليك الدرب وترد علية
ــــــــــــــــــ
سمير صبيح
الحزن لايك على كلبي .. ويا فت
فت حيلي ومعا شوفي .. ويا فت
عبّت وانتهت كلش .. ويا فت
اشم بالذيل والراس البلية
ــــــــــــــــــــ


سمير صبيح
طبعك مو شجي وكتلك .. شجي آني
شجنيت وياك شو كللي .. شجاني
امس جنت انحضن وانشم .. شجاني
كنفذ والحضن حسرة علية
ـــــــــــــــــــــ
سمير صبيح
نهر خيري طفح لتكول .. زل ماي
شجاهة وما تردلي الثار .. زلماي
يمشيني على راية شلون .. زلماي
ولا جني ابن حامي الحمية
ـــــــــــــــــــ
تراث شعري
طار وما كلت للناس .. عالطار
وشسولف عالجرح بالكلب .. عطار
جنت وياك شايل خلك .. عطار
طفل ما تشتري وتلعب علية
ــــــــــــــــــ
جبار رشيد
حبيبي بيا بخت وياي .. شديت
وعدة هجرك الي شقدمت .. شديت
باصبعك حتة تذكر خيط .. شديت
انحصر دمك ولا فكرت بية
ـــــــــــــــــــ
جبار رشيد
مشغولين بيمن .. من شغلكم
ولو مو شغلي هذا .. من شغلكم
بعد ما راح ابيجي .. ومنشغلكم
اموتن راح واخصمهة القضية
ــــــــــــــــــــــ
جبار رشيد
اليحبونك لصدك .. لا تسلهم
وابد عن سبب حبك .. لا تسلهم
من احجي وياك عفية .. لا تسلهم
احس تاخذ الروح بغير جية
ـــــــــــــــــــــ
صباح الهلالي
بسواد العين يسمر .. من ترابي
شعجب كلبك تغير .. من ترى بي
انة ما ظن ترابك .. من ترابي
حضنتك والعسل جلّب بدية
ــــــــــــــــــ
صباح الهلالي
سلالتكم نسب يوسف .. نسبهة
الدنيا بلاية نضراتك .. نسبهة
الوادم مية بالمية .. نسبهة
بس نسبة جمالك سبعمية
ــــــــــــــــــــــــــــــــــــــــ


رحيم المالكي
عليك الليل كلة .. انة وانة
ومعاك العتب هسة .. ان اوانة
اتهدد بالنفاهة .. انة وانة
وينك مو طفك دهري علية
ـــــــــــــــــــــــــــــــــــــــــ
عريان سيد خلف
نبي ونجبر خواطر .. من يبينة
وسر موج البكلبي .. منية بينة
اذا مرة انتخينة .. من يبينة
نهد العالية بعلو الثرية
ـــــــــــــــــــــــــــــــــــــــــ
عريان سيد خلف
العلية غير اهلهة .. من علاهة
وروحي خسة الكللك .. من علاهة
بعزم الله نخلتي .. من علاهة
يراموهة بحجر وتظل سخية
ــــــــــــــــــ
رحيم المالكي
انة روح الليالي .. مرسنهة
اصيلة انتة تعرفهة .. من رسنهة
سيوفي مغمدتهة .. مرة اسنهة
ركاب عداي مبردهن وادية
ــــــــــــــــــــ
عريان سيد خلف
اعلل بالوصى وروحي .. علني
سوالفكم بدلالي .. علني
ليالي الجنت صادرهن .. علني
وغدت عجلة مخالبهن علية
ـــــــــــــــــ
عريان سيد خلف
يكلبي شكثر يحمل بعد .. يملاك
تعدى والعقل بالصبر .. يملاك
ابن ادم لو ملك قارون .. يملاك
وبلا اخلاق ما ينشرب مية
ــــــــــــــــــــ
كرار
الشوك وياك صدفة .. قابلاني
وشيجري علي منك .. قابل اني
تقشمرني بضحكتك .. قابل اني
غشيم وتعبر الضحكة علية
ـــــــــــــــ
عبد الحسين الحلفي
ها تعبي حبك .. ها اذاني
دخت اه يا صلاتي .. هاي اذاني
اكول التوبة ما احب .. هاي اذاني
اهد ذاني ويرد حبك علية
ـــــــــــــــــــــــ


عبد الحسين الحلفي
عسل وبحلكي وكتي .. مر جعلكم
ومرجعكم بكلبي .. ومرجع الكم
جنت آية بهواكم .. مرجع الكم
خذيتوا منين فتوة وخنتو بية
ـــــــــــــــــــ
عريان سيد خلف
وحك البالمهد ربة .. وحالة
الدنية وياي للهامة .. وحالة
صديقي هد علي جلبة .. وحالة
الجلب رد وصديقي الهد علية
عريان سيد خلف
تكتر لانة من وشرك .. وصنفاك
وتأدب من تحاجيني .. وصن فاك
انة الصعدك باية .. وصنفاك
جبل لو صرت ما تعلى علية
ـــــــــــــــــــــــ
عريان سيد خلف
اتلعثم من اشوفك .. وسطكانة
ومنو الوشوش بذانك .. واسطكانة
تكللي وينك انتة .. وسطكانة
دور عالنبض تعثر علية
ـــــــــــــــــــــــ
يوسف السوداني
حجلهة على الدرج بذني .. تشرشال
وعليهة يلوك من تصعد .. تشر شال
نابليون اظن جدهة .. وتشرشال
غزت كلبي بحربهة العالمية
ــــــــــــــــــــ
عبد الحسين الحلفي
بست وجه التراب وكمت .. عناي
الك يللي كطعت الوصل .. عناي
افز فزة حياية التفز .. عالناي
بحلم لو مر صدة صوتك علية
ـــــــــــــــــــــ
ستار اللامي
دكافي من البعد يا ترف .. بس بس
من البذنك عن الهجران .. بس بس
كبل تركض تجي لو صحت .. بس بس
شجاك شغيرك هسة علية
ــــــــــــــــــــــــ
ستار اللامي
قبل عنكود خدك .. يمي داني
سطست وجفن عينك .. يم ايدي اني
اغم كصتي واكولن .. يمداني
يمي وما خذت ثاري بدية
ـــــــــــــــــــــــــ


ستار اللامي
بدمع عيني كتبتلك .. خاطر انة
والك ما يوم كاسر .. خاطر انة
غير انتة تجيني .. خاطر انة
اجيلك معتني زحوف على ادية
ــــــــــــــــــــ
رياض الحار
الرقي صار الجنابك .. برتقالي
وعلى الحاضر حويتة .. برتقالي
اذا انتة مزاجك .. برتقالي
تكتر لا تذب ضيمك علية
ــــــــــــــــــ
مجهول
قطار الباك حسنك .. مر عداني
اووباء الون اخبرك .. مر عداني
ولك سجين بعدك .. مرعداني
وكمت بجفاك اون اني علية
ــــــــــــــــــــ
مجهول
هلة يالكل عشرتي وياك .. ماسات
واسكر لو شفاي شفاك .. ماسات
الك خدين بيض تكول .. ماسات
من ابوسك ينعكس وجهي علية
ــــــــــــــــــــــ
شاكر التميمي
الكلب سلمتة بيدة .. واردة منة
وحال الثكلى حالي .. واردة منة
اجتني بيوم صوغة .. وردة منة
طبت ماظل بعد كل مرض بية
ــــــــــــــــــــ
حيدر الساعدي
كلبي شم عطر خدج .. ورا ساج
وعلى مرمى العشك حطج .. وراساج
احلف بالعشك واهلة .. وراساج
ما اعوفج لون تدنة المنية
ـــــــــــــــــ
علي الفريداوي
حضر سويت لاجلك .. من حضرتك
ونسيت انتة وكفتي .. من حضرتك
ورة خشمك تكللي .. من حضرتك
حضرتي ان جنت امر تاخذ تحية
ـــــــــــــــــــ
مجهول
علي نظرتك بالشر .. لحسمنك
ومثل يوم بحياتي .. لحسمنك
لون مرة تصحلي .. لحسة منك
سنة السكر يظل مرتفع بية
ــــــــــــ


مجهول
طحت والكلت مد ايدة .. جر يدة
وصرت مثل النخل جني .. جريدة
حبيبي اذا يحب يقرة .. جريدة
الجريدة تكوم تقرالة القضية
ــــــــــــــــــــــــــــــ
مجهول
قصر بكلبي الك شيدت .. ماخان
وعليك الصوت عالي وابد .. ما خان
نادو خانك وناديت .. ما خان
وفي بردة طرف ماخان بية
ـــــــــــــــــــــــــــــ
عريان سيد خلف
اذوبن لو عيونك علي .. تنصاد
وشما توصل لحي مصدود .. تنصاد
اذا انتة التعرف الناس .. تنصاد
اذن انة الغشيم شلون بية
ـــــــــــــــــــــــــــ
عريان سيد خلف
لساني كبال حلو الطول .. لك لك
واحذرك لا تكول النوب .. لك لك
لغيرك ما يصير الكلب .. لك لك
لان انتة شراكة وياي بية
ـــــــــــــــــــــــــــــ
عريان سيد خلف
البدر لاح بجبينة .. والا ليلة
وفر هذا البشعرك .. والا ليلة
عشت ليلة بحياتي .. والله ليلة
غلط بيهة القدر واهداك الية
ــــــــــــــــــــــــ
عريان سيد خلف
علي سهام وكتي النوب .. ينجال
وما ظل عدل بالميزان .. ينجال
سألتة لحم اخوك الميت .. ينجال
يكللي الوكت شرعا حلة اللية
ــــــــــــــــــــــــــــ
عريان سيد خلف
هلة اغاتي تكلم .. من عبيدك
وهذا الهوة اليسري .. منعة بيدك
اغاتك وارد اصيرن .. من عبيدك
ولو ذلة على اسم الهاشمية
ــــــــــــــــــــــ
عريان سيد خلف
تصدك لاني من وشرك .. وصنفاك
وتأدب عاد وي غيري .. وصن فاك
انة الصعدك باية .. وصنفاك
شلون تبيع مالاتي علية
ــــــــــــــــــــــــــــ


عريان سيد خلف
الندم لا ينفع بوشرك .. ولاساف
ولساني ما غلط مثلك .. ولاساف
تظن عالي ؟ واشوفنك .. ولاساف
اقل من اثر شاة على الوطية
ــــــــــــــــــــ
مجهول
على دوم الليالي تلف .. وتدور
ولاجلك رخصيت الذهب .. والدر
احبك من زمان الدار .. والدور
شعجب لمن كبرنة تخون بية
ــــــــــــــــــــ
مجهول
عشكتك من زغر سنك .. ويهلك
اليحبك ليش يتعذب .. ويهلك
اغار عليك من تمشي .. ويهلك
لجن وية الغريب شلون بية
ــــــــــــــــــــــ
رحيم المالكي
ترف يالصورك ربك .. من العين
اخاف عليك من تمشي .. من العين
انا معذور يمدلل .. من العن
ابوك الخلفك للناس اذية
ــــــــــــــــــــــــ
هيثم سعود
اللي موال خلي .. بستكانة
وشكر ذابت شفافك .. بستكانة
امس بالطيف كتلة .. بستك انة
من اهد ما كتلة ما راضي علية
ـــــــــــــــــ
هيثم سعود
بابي الما نهر جفك .. من اندك
ودعاني انة لو دهري .. من اندك
حنطة وطبعي اظل واكف .. من اندك
اغزر بالوفي وبالطبعة بية
ــــــــــــــــــــــ
رحيم المالكي
انعة عليك صدك .. منعة منك
ومنحت الكلب يرفض .. منعمنك
طامع بية ثاري .. من عمنك
شور الكلب بيدك مو بدية
ـــــــــــــــــــــــ
هيثم سعود
هام العكل من شوكك .. وجن بيك
وشبيه الكمر من يضون .. وجن بيك
ابوسك لو يحبسوني .. وجن بيك
اوامر من وزير الداخلية
ــــــــــــــــــــــــ


رحيم المالكي
عليك الدمع ما بطل .. وجاري
هلي ملو كثر نوحي .. وجاري
العلي ما صار بالدنية .. وجاري
صديجي والعدو طبكو علية
ــــــــــــــــــــــــ
رحيم المالكي
يدنية بلومي وشكواي .. حسي
وعن وجهي غبار الضيم .. حسي
اظل اصرخ واصيح بعلو .. حسي
لما تحسين يا دنية علية
ــــــــــــــــــــــ
رحيم المالكي
اغيم وامطر وانخبط .. وصفة
على اللي راح مني وتاه .. وصفة
حبيبي وجان اللي البلواي .. وصفة
اشك الجفن لو مر طيفة بية
ـــــــــــــــــــــ
رحيم المالكي
عليك الروح تسـأل .. ما تسلهة
وتدري انتة العواذل .. ماتسلهة
شمتاني سيوفك .. ما تسلهة
اذا للضيج مر الضيج بية
ـــــــــــــــــــــــــ
جبار رشيد
ماشاء واظن اليوم .. شالاك
واحس الكلب فوك الراس .. شالاك
على شعرك لون ذبيت .. شالاك
تذب عالروح طركاعة وبلية
ـــــــــــــــــــــــــ
رحيم المالكي
مكاطف والمصايب .. رجة رجة
علي وبراسي صارت .. رجة رجة
هلي وخلاني ماكو .. رجة رجة
الغرب حنت ولا حنوا علية
ــــــــــــــــــــــــ
محمد الغريب
الدنيا شكثر تطلبني .. لها دين
ولها رجلين طكّني .. ولها دين
لون غيرة وشرف عدهة .. ولها دين
جا ما شاخ بيهة ابن الردية
ــــــــــــــــــــــــــ
رحيم المالكي
يسامي الجيت ابشرك جيب .. بشراك
بحقل الغام روحي صفت .. بشراك
انة مدوهن وبية تلوم .. بشراك
يعمي الطعن بالميت خطية
ــــــــــــــــــــــــــــ


محمد الغريب
يمن طيفك ببيب العين .. مر ضاي
انة بغيرك لون بالحور .. مرضاي
انة هم العلية وسبب .. مرضاي
فراكك والشماتة الكصت بية
ــــــــــــــــــــــــــ
رحيم المالكي
اكو وادم بخت ماكو .. ولا حظ
اخافن كمت من عدهم .. ولاحظ
يشامت عاين الحالي .. ولاحظ
صرت عودان وامشي على الوطية
ـــــــــــــــــــــ
محمد الغريب
انة بخلكي فلا ظلت .. وساعة
على حضي الما ثمر تعبة .. وساعة
اعارك بالوكت ساعة .. وساعة
اسلم للوكت واشكف بدية
ــــــــــــــــــــــــ
رحيم المالكي
رشيق الطول كال بشعر .. صفنة
وجمالك بالشعر يحتاج .. صفنة
بطولك من تجي وتصير .. صفنة
صفر ينطونة وينطوك مية
ــــــــــــــــــــــــــ
محمد الغريب
اثكل يا خفيف الدم .. ولك عن
همومك طبعن بكلبي .. ولكعن
الك شعر الاخذ عقلي .. ولك عين
احسنهة تشتم والدية
ـــــــــــــــــــــــ
نشأت الخالدي
خنتي وكلتي مو اني .. بلا انتي
مو طركاعة بية انتي .. بلة انتي
الوكت صفر الج ضدي .. بلانتي
شجاج انتي وضربتي الكول بية
ــــــــــــــــــــــــ
نشأت الخالدي
لفراكك جمر ابجي .. ونيران
يالوجهك يشع رحمة .. ونيران
تمنيت العراق انتة .. وانا ايران
وحدودك دوم فاتحهن علية
ـــــــــــــــــــــــ
صباح الهلالي
اختلفنة بأولياء الله .. وضعنة
واحنة الساس للدنية .. وضعنة
صدك ما نغير من .. وضعنة
شرط الا تحط ايدك بدية
ــــــــــــــــــــــ


ناظم الحاشي
أسلم ما ترد مالك .. عسلماي
وبيك يصير من هجرك .. عسة الماي
دكللي الندة البشفافك .. عسل ؟ ماي؟
حليب ودرتة شفافك علية ؟
ــــــــــــــــــــــــــــــــــ
عبد الحسين الحلفي
محبتك كهربتني .. شارة بيهة
وحجة كلبي وية عقلي .. شارة بيهة
محبتك جنهة سيد .. شارة بيهة
علة غيرك باوعت شورت بية
ـــــــــــــــــــــــــــــ
عبد الحسين الحلفي
شقة ما عندة كلش .. كدوطنة
كبر شيب واصبح .. كد وطنة
بوطنة انصب جادر .. كد وطنة
وقرينة الفاتحة ومتنة سوية
ـــــــــــــــــــــــــــــــــــــ
عبد الحسين الحلفي
الوجود شفرقة كللي .. من عدمنة
وشمل منع التجول .. منع دمنة
وتدري ليش احنة .. منعدمنة
لان موتة نولدنة على الوطية
ــــــــــــــــــــــــــــــــــ
عبد الحسين الحلفي
العتب عالكتب هالدستور .. عالسن
بوطنة زعلت الضحكات .. عالسن
انعلسنة والشعب معلوس .. عالسن
وقفلتة ونعلس قفل الابوذية
ـــــــــــــــــــــــــــــــــ
عبد الحسين الحلفي
امك تنعة وانة انعة .. نعة متين
وجيتك نعمة والضحكة .. نعمتين
شفافك تين لتكللي .. نعم تين
اخاف تكول ويموعن خطية
ـــــــــــــــــــــــ
عبد الحسين الحلفي
عدل صوبك جدامي .. جر عدل لك
وادليك بحجي المر .. جرعة دلك
اثكل كافي بسك .. جر عدل لك
زعلت لتجر عدل حقك علية
ـــــــــــــــــــــــــــــــ
عبد الحسين الحلفي
بسراية العشك روحي ..وكصرت لك
ونفس وكت المزامط .. وك صرت لك
طويل واعلى منك .. وكصرتلك
حتى تلوحني من تبوس ادية
ـــــــــــــــــــــــــــ


عبد الحسين الحلفي
خطية اسمك على اسمك .. ماشخطنة
ازدحام احنة على دربك .. ماشي خطنة
شتظن من كد حلاتك .. ما شخطنة
اليشوفك ينشخط مية بالمية
ـــــــــــــــــــــــــ
نائل المظفر
امتحنتك ردت اجربنك .. صح تحل
تشد جرحي واذا شفته .. صحة تحل
بعدني ما طحت يمك .. صحت حيل
لو طايح صدك شسوي بية

10‏/02‏/2012

مو الخاطري

مو الخاطري ..الخاطر ذني العيون
لبجن ليلي وسهرني
مو الخاطري ..الخاطر ذني الدكات
لكلب يصرخ لو عفتني
مو الخاطري.. الخاطر رجفت اليد
لكتبت شعر ورجفتني
مو الخاطري ..الخاطر ذني الشفات
لتبسمن لمن بستني
مو الخاطري.. الخاطر ذني الرجلين
لمشن دربك او تعبني
مو الخاطري.. الخاطر فرحة الروح
تركص فرح لمن شفتني
مو الخاطري.. الخاطر جلمات اللسان
لكال احبك هم تحبني
مو الخاطري..الخاطر وكفات السطوح
بشمس تحرك او عمتني
مو لخاطري.. الخاطر حصرات النفوس
مو الخاطري يلتعبتني


الشاعر ضياء الدراجي

08‏/02‏/2012

اشارة دش

أشارة دش وانه ادور عليك
افر بالصحن بلكت احصلك
فريت الصحن أشرت تسعين
دورت قناتك ما لكطتك

الشاعر ضياء الدراجي

07‏/02‏/2012

الام العراقية

الله يا يمة شكثر تتحملين
ضيم وقهر وهموم من سنين

الشاعر ضياء الدراجي

حكام العرب

ارد الم حكام العرب واحطهم فد جيس
وارد احط وياهم قرد من عدهم يخيس

الشاعر ضياء الدراجي

جاء الغدر

هذا المطر
يفلق بالعقل الحجر
ودموعا من كدر
تدق نواقيس الخطر
جاء الغدر
جاء الغدر
يا قلبي الحذر الحذر
يرفرف اليمام ويهدر
أغنية ما فوق الشجر
تحكي الآم من هجر
يا دموعي كفكفي
و يا جفوني لا تنزفي
على من رحل
جاء الغدر يغني
بين ثنايا الحزن يرتجل
ويلملم الأفكار في خجل
يخلط الأعذار بالقبل
الحذر الحذر
من قلب للحب زفر
يدفن ألامه في الحفر
الحذر الحذر
من قلب بالحب كفر
يحرق أوراق السهر
ويصرخ رحل الحبيب رحل


الشاعر ضياء الدراجي

06‏/02‏/2012

عشاك طشرنه الوكت

عشاك طشرنه الوكت ***كل واحد منه بديره
سلوانه بس هم الحزن***وحيرة تطب بحيره
مــــا واحد البينه يحن***وما واحد لبيه غيره
كاتلنه بس حب النفس***ومحد يعيش بخيره

الشاعر ضياء الدراجي

مجرشة

يا ولفي مني لو تمر*** بهيدة دهز اجدامك
ذرات دربك من تذر ***ريحة مسج جدامك

الشاعر ضياء الدراجي

عليه ما تسأل

عليه ما تسأل شبيك؟ واني لاخبارك أتنطر
اعوف الكون شمابية لو غيبتك تتأخر
ولو كالو اجه افلان البسلك العيد واتحضر
وعيدك شوفتي محروم ولشوفتك أتحسر

الشاعر ضياء الدراجي

01‏/02‏/2012

يلحبك

يلحبك شغلي الروح
وبحسنك صرت مجروح
تانني بعدني بشوك
مجلب اخاف تروح

يلعينك وصف لدواي
ورموشك نسيح غطاي
كاتلني عذابك شوف
وبحبك انه مطروح


الشاعر ضياء الدراجي

الرد على افتراءات جلال الوزير الواردة في مقالته التي نشرها موقع (العراق فوق الخط الأحمر)

أبناء الجنوب روافد إنسانية لا تنضب

وأبناء الرافدين نجوم متلألئة في كل العصور


الرد على افتراءات جلال الوزير الواردة في مقالته التي نشرها

موقع (العراق فوق الخط الأحمر)
وحملت كل الأحقاد التي تعفنت منذ زمن بعيد في النفوس المريضة
المتحاملة على أبناء الجنوب

جريدة المستقبل العراقية / بغداد / في 9/1/2012


كاظم فنجان الحمامي

تتواصل حملات تشويه صورة الشعب العراقي عبر كل الوسائل الرخيصة, وتتصاعد معها موجات الحقد والكراهية ضد كل من ينتمي إلى العراق. كان آخرها الحملة التي شنها علينا المدعو (أ. د. جلال الوزير) في مقالته اليتيمة المتكررة, التي نشرها قبل بضعة أعوام على موقع (كتابات), ثم عاد لينشرها من جديد في بداية الأسبوع الأول من عام 2012 على صفحات موقع (العراق فوق الخط الأحمر), بعنوان: (تعرف على الشروﮒ). الأمر الذي يستدعي الانتباه إلى لعبة التنافر العرقي الطائفي, التي تمارسها ضدنا اليوم هذه الأقلام المختبئة تحت غطاء مصطنع يتظاهر بالموضوعية التاريخية. .
مما لا ريب فيه ان مثل هذه المقالات المنبعثة من مزابل التعفن الفكري تحفزنا على ضرورة التسلح بقدر كبير من التمحيص والذكاء في التعامل مع الطوفان الإعلامي الخبيث, الذي تنفثه النفوس المريضة, وتفرزه العقول المغرضة من حين لآخر، ليس فقط من أجل تمييز الصواب من الخطأ, ولا من اجل تمييز الكذب من الصدق، ولكن لتجنب حالة خطيرة قد يستدرج إليها المواطن البسيط لمنزلقات عنصرية تهدف إلى تكريس الفرقة والتشرذم.
لقد كان (جلال الوزير) صريحا في عدوانيته, ممعنا في اختيار مفردات التهكم وعبارات السخرية, منزعجا من أصالة جنوبنا الضاربة في أعماق التاريخ, متجاهلا تاريخ السلالات البشرية التي صنعت فردوس عدن جنوب العراق, متغافلا عن قدسية الجنوب, الذي تشرف بمهبط سيدنا آدم في القرنة الجنوبية, ومولد سيدنا إبراهيم في (أور), وإقلاع سفينة سيدنا نوح من (الكوفة), ومتجاهلا الشعب الذي سطر ملحمة جلجامش في الجنوب, وحكايات عشتار وتموز وانكيدو, ودوّن شرائع حمورابي. .

لقد تجاهل محطات شامخة تربعت ردحا من الزمان فوق متن التاريخ, مازالت معالمها تحمل السمات الجنوبية السومرية البابلية الاكدية في الوركاء ولكش ولارسا. .
حضارات سادت وما زالت تعتز بسيادتها, فهي التي علمت الناس الكتابة والتدوين والتعامل التجاري, وعلمتهم علوم الفلك والرياضيات والطب والهندسة والملاحة في عرض البحار. فقد كان المربد ديوان الشعر العربي ولسانه الناطق بالبلاغة وفنون الأدب, وكان الخليل بن احمد الفراهيدي البصري قاموس العرب وأول من ضبط إيقاعات الكلام الموزون.

في جنوب العراق تربى الحريري, وكتب مقاماته في ذاكرة الطين والماء, وفي الجنوب تألق الأصمعي, والجاحظ, ومحمد بن سيرين, ومالك بن دينار, ومالك بن الريب, وواصل بن عطاء, والحسن بن الهيثم, ودعبل الخزاعي, وعتبة بن غزوان, والواسطي. ليس فيهم لاري ولا هندي ولا بلوجستاني. فهل كان بدر شاكر السياب, سيد الشعر العربي الحديث بلوشيا ؟. وهل كان محمد سعيد الحبوبي, شاعر الفقهاء وفقية الشعراء باكستانيا ؟. وهل كانت لميعة عباس عمارة سريلانكية ؟. وهل كان عبد الرزاق عبد الواحد أفغانيا ؟. وهل كان العالم الفيزيائي الكبير عبد الجبار عبد الله, ابن (قلعة صالح) مغوليا ؟, مع خالص احترامنا واعتزازنا بكل الأقوام والسلالات البشرية التي خدمت الإنسانية ولم تعتد على بقية الشعوب, فخير الناس من نفع الناس, ولا فرق بين عربي وأعجمي إلا بالتقوى, ثم ما هذه الحجة الواهية التي استند عليها (جلال الوزير), بقوله أن أغنية (عبرت الشط على مودك), التي كتبها (عزيز الرسام) سجلت هجرة قبائل (اللر) من جبال (لرستان) إلى بطائح العراق. ويبدو واضحا ان (جلال الوزير) لم يقرأ مذكرات الزعيم العربي وقائد الثورة المصرية (احمد عرابي), التي يتفاخر فيها بانتسابه إلى بطائح جنوب العراق, قائلا (( أنا احمد عرابي بن سيد صالح البلاس من بطائح جنوب العراق)). وكيف اقتنع (جلال الوزير) بان فن الابوذية مقتبس من الأغاني الهندية والطقوس الوثنية ؟. ولولا عناية الله لقال (الوزير) أن (الشروﮒ) ينتسبون إلى قبائل (الشروكي) من قبائل الهنود الحمر, ثم ما علاقة النبرة الحزينة في الأغاني العاطفية في الاستدلال على السلالة التي ينتمي إليها المطرب ؟, فمعظم الأغاني العربية في تونس ومصر وليبيا والجزائر تحمل بصمات الألم ولوعة الفراق. فهل يعني ذلك أنهم ينحدرون من أصول افريقية نيجيرية ويعانون من اضطهاد الرق والعبودية ؟؟, اما بخصوص العبارات الجنوبية الدارجة, من مثل (جا). التي يستخدمها أهل الجنوب بكثرة، فيقولون: (ﭽـا شلون ؟ ) بمعنى كيف اذن، (ﭽـا شفت شلون؟ ) بمعنى هل رأيت كيف؟، و ( ﭽـا ليش ؟ ) بمعنى لماذا اذن؟ ، وتأتي كأداة ربط يصعب ترجمتها حرفيا مثل (ﭽـا شمدريني ) و (ﭽـا وينك) وهكذا, وهذه الكلمة مقتصرة على العراقيين فقط وأصلها من ( كا ) او ( قا ) الآرامية. وهي بنفس المعنى. تحولت الكاف الى ﭽـ ch . مثلما تحولت كلمة كلب الى ﭽـلب, و كف الى ﭽـف وهكذا. وهنالك أمثلة كثيرة على رواسب اللغات العراقية القديمة في اللهجات الدارجة. ونشرت المراكز العلمية العراقية عدة بحوث حول المفردات السومرية والبابلية الشائعة, اما أسماء أبناء الجنوب فلا تختلف عن أسماء معظم أبناء الوطن العربي. فالكلب في التراث الإنساني يرمز الى الوفاء. ولا ضير من تسمية (جلوب) فهناك قبيلة معروفة من قبائلنا العربية تدعى (بني كلب). قال جرير:

فغض الطرف انك من نمير
فلا كعبا بلغت ولا كلابا

ومن غير المعقول ان يتوصل الإنسان العاقل إلى استنتاجات تاريخية استنادا على تسميات أبناء الريف إلا إذا كان يضمر لهم الحقد والكراهية, أو مصابا بلوثة دماغية أفقدته صوابه, لكن المثير للغرابة في مقالة) جلال الوزير) تصنيفه لأبناء الجنوب بأسلوب مبتكر يتنافى مع علم (أصل الأنواع), وعلم الوراثة. فقد توصل (جلال الوزير) إلى بعض الصفات الوراثية لأبناء الجنوب تميزهم عن بقية خلق الله. وزعم انهم يتصفون بقصر القامة, وتفلطح القدم, والسمرة الداكنة. وتحدث عنهم بأسلوب يفصح عن روح التهكم, ويعبر عن نزق الترف الارستقراطي, ويعكس روح التعالي والغطرسة التي رافقته في جميع استنتاجاته الساذجة وأفكاره البليدة. ولا ندري كيف استطاع ابن محافظة (ميسان ), الرياضي الدولي (علي الكيار) ان يحرز لقب بطولة العالم في جمال الأجسام ورشاقة الأبدان ؟؟. وكيف استطاع الرباع الدولي عبد الواحد عزيز, وهو من أبناء البصرة, الحصول على الوسام الاولمبي العراقي الوحيد في رفع الأثقال ؟؟. وكيف استطاع السباح الدولي (عبد الرضا محيبس) أن يتفوق على أبطال قارة آسيا في السباحة الحرة. والحديث طويل عن هيثم عبد السادة وزبرج سبتي وهادي احمد وعلاء احمد ورحيم كريم وعادل خضير وكريم علاوي وحسن كاظم وفالح حسن ونزار عبد الزهرة وحمزة قاسم وكاظم وعل وعبد المهدي هادي وعبد الرزاق احمد . . الخ, ولا ننسى أبطال المنتخب الوطني لكرة القدم, الذين فازوا بكأس آسيا. ورفعوا راية العراق فوق النجوم, ومعظمهم من جنوبنا الحبيب. . فهل كانت أقدام هؤلاء الأبطال مفلطحة ؟؟. أم ان دماغ (جلال الوزير بلا وزارة) هو المفلطح والمسطح والخاوي الأجوف.
لقد ركب (الوزير) الموجة المعادية لأبناء العراق. وراح يخلط الأوراق, ويزيف الحقائق, ويمعن في إيذائهم, وتشويه صورتهم العربية المشرقة.

ليس هنالك مقاطعة واحدة في الوطن العربي كله ينتسب أهلها إلى القبائل العربية القحطانية والعدنانية العريقة كما هو الحال في جنوب العراق. عندنا في الجنوب يتفاخر الناس بقبائلهم العربية, التي مازالت تحمل الأسماء العريقة نفسها منذ صدر الإسلام وحتى يومنا هذا. نذكر منها قبائل طي, وبني لام, وتميم, وبني أسد, وزبيد, وربيعة, وخفاجة, وبني هاشم, وبني زيد, وبني مالك, وشمر, والنجادة, والشريفات, والزهير, والحلاف, والبيضان, والبو عبود, والبو محمد من زبيد, والمياح, والقطران, والعيدان, وعنزة, والغزي, والسعدون, والشويلات, وبني ساعدة (السواعد), والسعد, وبني سكين, وإعبودة, والبو صالح, والدواسر, والفريجات, والنصار, والقناص, وبني كعب, والمحيسن, والغنام, والظوالم, وآل فتلة, والخوام, وقريش, والجبور, وآل بو سعد, والنواشي, وبني سعيد, والغانم, وبني وائل, والسواري, وبني سالة, والخزاعل, والبهادل, وبني حجيم, وحجام, والفرطوس, وآل جويبر, وعبادة, والعكيل, والشاوي, ومذحج, والازارقة, والبو دراج, وغيرهم كثير, ونسأل الكاتب اللاوزير, هل يعرف شيئا عن طبيعة وعادات أبناء العشائر الجنوبية ؟. وهل سمع بشجاعتهم وبسالتهم وكرمهم ؟. وهي الصفات الأصيلة للعرب الاقحاح, وهل سمع بنخوة اخوة علية, واخوة فاطمة, وإخوة باشه, وإخوة سعدة, وإخوة كوشه, وإخوة مايعة, وإخوة فدعه. فهل كانت مايعة وكوشه وسعدة وفدعه وعلية أصفهانيات ؟؟, ثم ماذا سيقول (جلال الوزير) للقبائل العربية التي تقطن الأحواز, وهور الفلاحية والتي تطالب الآن باسترداد عروبتها ؟؟, إذا كان ينظر إلى أبناء بغداد والبصرة وذي قار وميسان بهذه النظرة الاستعلائية المريضة, فعلى الرغم من الويلات والنكبات والأحزان والآلام والدمار والتخريب والإرهاب والقتل العمد الذي نواجهه كل يوم, نرى وللأسف الشديد أن الكثير من الأقلام قد تخلت عن إنسانيتها ودينها وعروبتها, حتى انجرفت مع المخططات الخبيثة, وجندت جيوشها لكي تصبح أداة من أدوات الحرب والصراع والهيمنة والترويج للفوضى والتحريض وبث السموم وزرع الفتن وتزييف الحقائق وصب الزيت على النار وإرهاب الناس وتغييبهم ومصادرة حقوقهم, إلى أن تحامتنا الفضائيات كلها. .
تتراوح مواقف المعادين للعراق بين شامت وساخر, ومحرض وكاذب, ومتباكي ومتشفي, يبدو أن ثمة تنوعا كبيرا في الكتابات المسمومة, تستمد مدادها من مخططات معادية مدروسة تهدف إلى زعزعة ثقتنا بأنفسنا، كما لو كان ثمة مصدر واحد يحركها في الخفاء، فالمقالات التحريضية يجري انتقاؤها من الإطار المرجعي الأمريكي الإعلامي, أو من البيئة الحاقدة المجاورة للعراق. قد يختلف الأسلوب والتعبير المجازي لكن الجوهر واحد. وصرنا كالجبل الشامخ الذي تدكدك ثم مال بجمعه في البحر فاجتمعت عليه الأبحر. .
لله درك يا عراق كم ستتحمل من هجمات الأعداء وتآمرهم عليك في الداخل والخارج. . .
لكننا نرجع لنؤكد مرة أخرى أن أبناء العراق كلهم ملحٌ للمتعفنين في مزابل الحقد والكراهية, ويبقى العراق شوكة في عيون الضفادع الوقحة الكامنة في مستنقعات اللؤم .