اعتذر لان عندي حجي هواي
وأسف من اكو لن حراميه
بعد خلص طفح بينة الكيل
وماظل صبر بعد هاي هيه
الشوارع اختنكت من الطين
والمجاري خبطت الميه
والكهرباء صارت حلم مجهول
والحصة انكطعت شويه شويه
مشاريع بالحجي تبنون
والحقيقة خزانكم بالذهب مملية
والحجي مايخلص هنا
بوك وفساد قدمتوا للشعب هدية
بغلال المستحة جنت مشبك لساني
وبلا مستحة قرارتكم انانية
جنت مغمض على الصار
وكولن مايهم الحكومة عراقية
بعد كافي ماظل بالكلب حيل
واليوم انتفضت واشمر ادية
اصعد على حزام الموت
وارجعة انتفاضة شعبانية
وما يهم متعلم على الصدمات
ورضعت الموت بشربة الممية
واعتذر لان عندي حجي هواي
واسف من اكولن حرامية
ضياء الدراجي شباط 2011
وأسف من اكو لن حراميه
بعد خلص طفح بينة الكيل
وماظل صبر بعد هاي هيه
الشوارع اختنكت من الطين
والمجاري خبطت الميه
والكهرباء صارت حلم مجهول
والحصة انكطعت شويه شويه
مشاريع بالحجي تبنون
والحقيقة خزانكم بالذهب مملية
والحجي مايخلص هنا
بوك وفساد قدمتوا للشعب هدية
بغلال المستحة جنت مشبك لساني
وبلا مستحة قرارتكم انانية
جنت مغمض على الصار
وكولن مايهم الحكومة عراقية
بعد كافي ماظل بالكلب حيل
واليوم انتفضت واشمر ادية
اصعد على حزام الموت
وارجعة انتفاضة شعبانية
وما يهم متعلم على الصدمات
ورضعت الموت بشربة الممية
واعتذر لان عندي حجي هواي
واسف من اكولن حرامية
ضياء الدراجي شباط 2011