نار حبك هالوكت و بمحبتك محتار
لا اكدر اعوفن هلي ولا اكدر اعوف النار
مجبوره بحبك يالوفي لكن هلي يمنعون
اطفال عندك ومره ماظن هلي يقبلون
صرتلك ماي وشفافك حضون
افتح احضانك وارتشفني
صرتلك دمع واحضانك اجفون
افتح اجفونك احركتني
تريد تزعل ازعل بس لا تبجيني
وتخلي دموع العين تهمل بالغصب
تريد تروح روح بس لا تخليني
وحيد وانتظر والنتظار شكد صعب
تريد تموت موت بس ارجوك تانيني
اموت وياك ونكتب عالكبر مجنون اليحب
كافي طولته هواي
والساعة عبرت الوحده
خليني انام اليوم
وخلصني ترة شدة
ضحكت علي الناس
والكلب هذا حده
****************
بنص اليل متحير وسهران
والساعة اقتربت من الوحدة
حسبالي تتصل يفلان
وناطر اسمع الدكه
ما ادري غافي وحلمان
والوحدة صارت السته
والهاتف طلع طفيان
ما ادري مخلص الشحنه
********
خليك صابر ومرفوع
ولا يهزك حجي نملة
ولا تسمع لهذا وذاك
هم ايوب صبر عالعله
انت من الاصل طيب
واخلاقك بلسانك تجملة
انت مثل الماي محبوب
والماي من التواضع ما دور التلة
*************
مجروح كلبي من الزغر والجارحيني احباب**لا جلمة ينطي لا عذر والدمع جباب
مجروح منك يا حــــــلو حاجيني لو بعتاب**محروك بـــنار الجمر ومذوبني بتيزاب ***************
حقيقة ومو جذب بيك انه معجب
وصحيح وماظن غلطان بحبك اتعذب
حقيقة ولا تظن وياك اكدر العب
وصحيحة الضحكة وياك والصعبة اجذب
خسارة مني تروح وبالعشك اخرب
وبعيدة عني الروح بس انته الاكرب
************************
احذرك من تكول اهواك
لا يسمع العاذل كلامك
يحسدك ومن الحسد تنصاب
بعين تنسى كل غرامك
*********************
احلى من العسل حبج لو رادو يسئلوني
وبسمات شفتج ما تنوصف بسمات
واصيلج درب لو رادو يخيروني
جا هنيالة الدرب من يحسب الخطوات
************
كالولي متت وانشلت عليك اليد
وكمت بغرامك اطلب الاحسان
حسبالي حجيهم مصدك وموثوق
تاليهه جذبة من جذبات نيسان
************
من تسولف سلوف بسكوت
اخاف تضوي اسنونك وتعجبهم
بسكوتك جمالك سابي الكون
اخاف عليك تضحك وتكهربهم
********
بس اكول الاه تطلع من قلب
وما تداوي جروح وتريح محب
انه بلا اه ما عندي عتب
ولا رسايل حب تبجي بالغصب
**************
بس الأه مني تنسمع ومكثر الصفنات
ودموع تجري بالسبع تغسل الوجنات
ما ظنيت بهجرك اشتعل وانترس حصرات
...ارجعلي انا ارجوك كلبي من الهجر مات
**********
بسمك الساني يبوح
ومن احبك اتعذب
الك حركة بالروح
ولكال اكرهك جذب*******
حرمت اكول اهواك
وكلت من العشك توبه
تحركني بغدر ناراك
وتشتكي مني النوبة
احسن الي انساك
لعبتني بالرجل طوبة
******
اني بس وياج ما اكدر اعيش
يمكن ما عندج اوكسجين
ومن وراج راح اعبر بحور
هو العشك بالكوة لو بالسجاجين
بعد حبج ما شاف الشمس
شو بالعجل محظرة السجاجين
تره الحب مو بالغدر
...من هسه لا اجيج ولا تجين
**********
تعاتبني لاني اهواك
وتخلي بدروبي الشرك
وتعيرني لان ناسيك
هو غير انساك حتى اذكرك
*******
اكتب شعر واكتب الومضات
من حبك عقلي ما يستقر
مو صرت مسودن على هواي
وبحبك مثل الحمام اقر قر
الشاعر ضياء الدراجي
