معروفة وبعد ما تنمحي ذكراه
زينب بدم حسين محنية الجفوف
على الغبرة مرمي مسلوب الرداء
والخيل ترض الصدر صفوف فوك صفوف
انت علحجي تبجي دموع فوك دموع
تخيل المعركة وخل يعينك بحركة تشوف
انت من تعطش تتفطر شفاك
شلون حسين عطشان مابين السيوف
من تصيبك شوكة بصبع زغير
تصرخ من الالم ولاهلك تنسه وتعوف
المثلث بكلب حسين يفرغ السموم
وعيون حسين على المخيم تفتر وتطوف
انت من يطيح اخوك تتمنى اذاه
تبجي بالجذب علناس تغشمر وتلوف
بس عباس بنص المي واذكر حسين
شلون اشرب واخوي حسين فارغ الجوف
ذب الماي من ايدة وارجع
ولان ذب الماي كطعوله الكفوف
انت من تسمع صوت منة تطيح
تتبدل الوانك وترتجف وياخذك الخوف
حسين بنص الموت وفاكد اعيال
اسد لوصال من عنده تشرد الوف
مو اني الكولن هيجي اقوال
اعدائه التسولف والشواهد بالطفوف
بحزام الموت اتحزمت رضعان
من شافت حسين يدعي يارؤوف
انا جان الموت يعدل امتي
يا هلا بالموت واهلن بالسيوف
حسبالك حسين بالموت انتهه
حسين هو الدين واليعوفة للجنة يعوف
الشاعر ضياء الدراجي
