خلاني دمك النزف
انسة معاني الحب
خلاني ادور بالطرف
عله واحد بلايه كلب
ادور وما معترف
وجلبت بس بالسبب
لكيته وانطيته طرف
جاوبني وكال انجب
صح اني واحد منحرف
بس الوطن ما ينذب
كظيت عمري بالترف
وبالخمر وطكت الحب
بس من تجي للعُرف
أصيرن للوطن رب
اصيرن النهره جرف
أومايه لاهلة يصب
هذا النهر منه غرف
احبابي من جد وأب
هذا معناه الشرف
وياهو للشرف ميحب
والكلمة تبدي بالحرف
وكلمتي عراق أتهب
اطير كل واحد خرف
وكل واحد ناره أتشب
واولهم انته انصرف
ومن هسة السانك ضب
************************
بقلم ضياء الدراجي
