قصة حب بالدارميات
هي
تانيني عفيه هنا وخليني يمك**حبيتك انا هواي اكثر من امك
هو
ان جان حبج الي اكثر من امي**حبي الج بركان ويحركلي دمي
هي
حبك الي بركان هم ينطفي بساع**حبي سبع بحور اوسع من الكاع
هو
حبج سبع بحور هم ينشف الماي**حبي شمس للكون تحركلي دنياي
هي
ان جان حبك شمس أطلعلي بالليل**حبي سما وكاع ونجمه سهيل
هو
خليني من هاي كلة سوالف**من كثر حبج صار عقلي تالف
هي
عقلك تلف يهواي من كثر الافكار**صفي نيت يوم وتنعنة للدار
هو
اتعنه للدار شلون ما عدي مهرج**امج تريد فلوس وعمتي تنهرج
هي
امي تريد فلوس حقة برباي**وعمتك عدة بنيات تمنى موتاي
