اعتقد الله بالقران يسولف قصص
اكول هاي قصة بيهه امثال وعبر
القران ايات تسولف كل اليصير
من ادم ليوم القدر
موسى من الله طلب هارون
كال اخوي يا لله يسندلي الظهر
وبالمقابل محمد طلب كرار
امام من بعدي وبسمه جهر
موسى سافر للجبل وترك هارون
عبدوا من بعده العجل وهارون صبر
ومحمد بالجفن مغسل اوما مدفون
عبدوا الخلافه وحجي الرسول انصهر
والسامري ما عتقد مجنون
كان عالم ثاقب البصر
جبريل ما يشوفه كل انسان
والسامري شافة و قبض منه اثر
كان صحاب للرسول
وراد يصير النبي المنتظر
العجل تمثال ما يكدر يبوح
حجاه السامري وبعلم الله كدر
بله موسى عاد لكومه وزعل
دمر العجل ولصحابه الحق ظهر
قبض شيبة النبي هارون
وهارون يصرخ جبروني جبر
خفت من بعدك افرك الكوم
ومن بعدك الله ما ينذكر
بس محمد كلي منين اجيب
يصحح التاريخ ويغير البشر
لان بهارون صار الما يصير
وبعلي انعاد نفس الخبر
ضياء الدراجي