عدد الذين شاهدوا هذه الصفحة معك

08‏/03‏/2013

ومضات شعرية للاصدقاء اعجبتني

يلجمالك ماكو ابد مثله جمال 
وبالكره الارضيه ماكو بهالكره 
لان من شفتك كمت بس انته اشوف 
ومن جمالك جن فقدت الذاكره


نضحك بالچذب ونضمضم الدمعات 
ومكابر نشد احزامنه البايد 
چم دوب الصبر نگضي العمر صيام 
والعيد اليمرنه اتقشمر انعايد



من كد ماترف ينشاف بيك الماي...
وتخجل من ضواك وتنطفي الشمعه...
وأظن عشرين وأكثر حملت امك بيك...
لان دكة جمالك مو شغل تسعه


روح والله يعوض عاليروح 
عليمن اسولف واعتب لنة 
ماكلك انتة خاين لا حشاك 
انتة استاذ مبدع بالخيانة


ترة صرنة بغيابك مثل يعقوب. 
ومن كثر البجي منك عمينة. 
اذا مابيك جيه ويوسف تصير. 
بس ارسل قميصك لاتجينة؟



الغربة لاتكلي غربة فراك 
غربة روح كلي وآني أصدك 
بعض الناس يمي وآنه مشتاك 
وبعضها من يروح أتمنى أصفك



أنه العفتك بكلبي براحتك تحتل 
مو بيدي القضية وحتى ما أقبل 
لا والمشكلة كلما تريد تروح 
آنه أتوسلك أرجوك لاترحل



ايگولون العشگ من نضرات العيون 
وآنه بلا عيوني شلون حبيتك 
يعني الفلاسفه بالحب ترا انغشو بيك 
وصرت آنه الفيلسوف بيوم لاگيتك



ومضات شعرية - شعر شعبي عراقي 2012 - ومضات عراقية 2012 - ومضه شعريه

ثلثين العمر ضيعته وياك 
وشنو باقي العمر من راح أضيعك ؟ 
شعجب نزّلت روحي الجانت شراع ؟ 
وأنه الما نزّلت فد يوم دمعك




عذاب البرزخ آنه اتعذبت بيك 
ولكن بالكلب ظل حبّك يزيد 
واذا كالولي عوفه وجنه ننطيك 
أريدن برزخك أي جنة ما أريد



عضّيت انته ايدي . أمسح دمعتك بيش 
وكليبي كسرته بيش ألوليلك 
أضحكك وأبجي لأجلك وأعطش وأرويك 
وأهدم حيلي بيدي لو ركد حيلك


ومضات شعرية - شعر شعبي عراقي 2012 - ومضات عراقية 2012 - ومضه شعريه

انسطرت وداعتك وجننت بيك 
بجمالك وكفت عقلي بذهوله 
لوله بكل كمر والكل يعرفون 
وانته اول كمر مابيك كل لوله . 



عله يا إيد تغفه الليله وتنام 
واشيم بيك حتى جفوف اديه 
البخت جابك نطرتك ذيج السنين 
عيشتك طفل وانته الهديه 
واذا ما صح غطه وتتعذر الايد 
اصير فراش واتمدد عليه
  


ما ادري من اشوفك ترجف اعضاي 
والم كلي اعلى كلي والبد بسدي 
التفت خدي اعلى خدي وباسه مجبور 
لان بوسات شفتك باقيه بخدي



ومضات شعرية - شعر شعبي عراقي 2012 - ومضات عراقية 2012 - ومضه شعريه

انته لعيونك طلع هذا الجمال 
انته ضيعت الجمال وصيته 
جبنه فيته نقيس طولك من تفوت 
كمنه من طولك نقيس الفيته




شيرجّع عشكَنا وكل سهر الايام 
لأيام العشكَ يادنيا رجعوني 
ماندمان أكَلك بس احس بالروح 
نار وبية رايد بس تطفوني 
واذا يرجع بعد بية الزمان ردود 
ما اختار احبه ولا تخيروني 
احبابي مشوا ومابقت بس آلام 
اجت احلامي بيهم وهمه ماجوني



كل ضنك ابكلبي ايموت ذكراك 
من تروح عني بدون توديع 
ما تدري اليحبك عنده كلبين 
كل حافظ صور والثاني تلميع


ومضات شعرية - شعر شعبي عراقي 2012 - ومضات عراقية 2012 - ومضه شعريه

يسقط سجن شوكك ولك مو مليت 
مامرة رحمت بحال مسجونك 
شفتني لوحدي وانت جمالك جيش 
واحتليت قلبي الماكدر دونك 
راح ادخل حرب صبرك بدون سلاح 
واشمت بيك كل المايكدرونك 
واجبرك تنسحب متعذب ومكسور 
واشلع ضحكتك من لمعة سنونك 
انا نطيتك عمر شمعة عذاب وليل 
بس كلي الخذوك شراح ينطونك 
ثواني بلا سبب كدرو يغيرونك