مو بس البندقية اطوف ماي
بغداد صارت هم بندقية
اذن ما محتاج اسافر شوف
بحيرات الشوارع الصناعية
السياسي مو جذاب حاشة
كال راح اجيبلكم الرفاهية
كول وفعل عمي عالراس
شوارعنة صارت فينيسية
ماي وشط وبحر وبطوط
ناقصنة السمج والسميجية
ولبطة الشبوط بحوش الدار
بس مو للشبوط للجريذية
وفاله جدي شمرت التراب
ظنه الهور ردتله المية
وأظن مشحوف طر ذاك الصوب
لا هذا كشر ثلاجة صينية
والمخضر ليوصل من السوك
طايف ما محتاج نقلة العبرية
الله ثمن ساعات شمر ماي
جا ما بيكم نوح يالحرامية
****************
بقلم ضياء الدراجي
اليوم الخامس بعد غرق بغداد في مطر يوم الاثين 11-11-2013 ولا تزال احيائنا عبارة عن قطعة ماء واحدة