لكيت الوكت يحسب علي دكات
وكل دكة بدليلي تنشطب مني
ولكيت الثلج لحك عله الزرعات
وكل هرش بمكانه أبياض لوني
يركض بيه زماني ركضت الحلوات
لو شافن عرس وعروسة أتحني
ركضني الوكت جلبت بذيال الثوب
عضيته بسنوني بس للاسف خانني
جلبن هنه وعبريه راحن وياه
وانه على الدرب بترابي متحني
بشليلي لملمت طشار الايام
لكيت العمر فايت وظهري محني
حاجزني زماني بس للاحزان
وكاتب علفرح ممنوع مني
*****************
ضياء الدراجي
