ردت اكول اشحصلت وشنهي الي صار
نفس الكهرباء التنكطع واعتقد هم حصار
والموت صاحب ملك لا ما يمر خطار
وأسبابة اتعدلت من مرض لانفجار
والبوك صاير علن والرزق كله طار
اني ما اقصد شعب اقصد اجم جبار
يبجي بدموعه جذب وفرحان بالاسرار
يجمع فلوس الخمط وغراب بيهن طار
يتامه وامنه انولت والبيت شبوا نار
والفكر شاخ وكبر والغني يطلب ثار
والبلد صار الحطب والنار بيد أزغار
طكينه بلايه سبب والجاي يا ستار
*****************
ضياء الدراجي
