انه
العراقي بالسياسة اعرف زين
موش الحواسم الصعدت قدري
خليني بقائمة وفتحة للناس
ومن تخسر اصواتك كول ما أدري
انه الزرعوا بظهري اشواك الضيم
وحصدوا فرحتي لسباب فكري
ماكلت اهاجر ولا اترك اهلي هنا
واحبس آلامي بظلوع صدري
حسبوني مناوء للحكم منبوذ
وحتى من الوجة زينوا شعري
أتحملت عذاب ما تحمله جبال
والمعتقل حبيبي وصار خدري
راجعلي بعد ما جنت مهزوم
وبارض الغرب لاهس وما تدري
تكلي سياسي واعرف القانون
وصحون المطاعم ظلت اتهذري
جنبرك بالطماطه هناك مشتاك
أوسوالف ما تسولف بيه ندري
خلنه يعمي من حجيك المحروك
تره انه عراقي وخلص صبري
لملم غراضك عمي ولي وروح
وخلي العراق يديرة اليدري
نشبع بنفطنه ومية النهرين
وخل زيجي يتلكة طبخات جدري
ونخلي الجبل يسجد على الصحراء
وبدموع الصخور تقبلي عذري
ونخلي الكصب والبردي خوان
جذرك يا خويه اصله جذري
والنخل بسعفة يحيي البرتقال
ويوصل سلامه لربوع كفري
وجوني باشي وشلونكم صحبان
اوماي زاخو بالبصرة يجري
ونسمع يردلي ونرجس ويابة
وتتوسطهن اختهن الجاي خدري
انه العراقي وهم شوفني زين
بكل ذرة عراق اسمي مثري
انه للوطن ادفعت دمي بسباب
وانه بلا سبب اخسرت عمري
اني والوطن والوطن اني وياه
هنا ربينه يسري بيّه وأبيه أسري
*********************
بقلم ضياء الدراجي
ومن تخسر اصواتك كول ما أدري
انه الزرعوا بظهري اشواك الضيم
وحصدوا فرحتي لسباب فكري
ماكلت اهاجر ولا اترك اهلي هنا
واحبس آلامي بظلوع صدري
حسبوني مناوء للحكم منبوذ
وحتى من الوجة زينوا شعري
أتحملت عذاب ما تحمله جبال
والمعتقل حبيبي وصار خدري
راجعلي بعد ما جنت مهزوم
وبارض الغرب لاهس وما تدري
تكلي سياسي واعرف القانون
وصحون المطاعم ظلت اتهذري
جنبرك بالطماطه هناك مشتاك
أوسوالف ما تسولف بيه ندري
خلنه يعمي من حجيك المحروك
تره انه عراقي وخلص صبري
لملم غراضك عمي ولي وروح
وخلي العراق يديرة اليدري
نشبع بنفطنه ومية النهرين
وخل زيجي يتلكة طبخات جدري
ونخلي الجبل يسجد على الصحراء
وبدموع الصخور تقبلي عذري
ونخلي الكصب والبردي خوان
جذرك يا خويه اصله جذري
والنخل بسعفة يحيي البرتقال
ويوصل سلامه لربوع كفري
وجوني باشي وشلونكم صحبان
اوماي زاخو بالبصرة يجري
ونسمع يردلي ونرجس ويابة
وتتوسطهن اختهن الجاي خدري
انه العراقي وهم شوفني زين
بكل ذرة عراق اسمي مثري
انه للوطن ادفعت دمي بسباب
وانه بلا سبب اخسرت عمري
اني والوطن والوطن اني وياه
هنا ربينه يسري بيّه وأبيه أسري
*********************
بقلم ضياء الدراجي
