لبيك يا زينب علي
ياحرة يابت الولي
حاشة ضريج ينولي
لنعل ابو النباشة
عباس يل جابج عله
الناكة ويه كل هلة
ولمن وصل لكربلة
جفة كطعولة وراسه
ظليتي وحدج بحزن
مسبية وعيالج يون
والشمر وسوطة اليرن
ما خفتي والله حاشه
يزيد من صوتج سكت
والناس بس لجلج صفت
والمجلس لصوتج خفت
يسمع لخطبة ناسه
هسة اجانه المعتدي
بالكبه رايد يبتدي
معتقد انه مهتدي
وهو الكفر من ساسه
وكفولة شيعة حيدره
طردوا الباغي بيدره
وضريحج ظل بمقدرة
جن حاضرة عباسة
**********
بقلم ضياء الدراجي
